निर्भयाच्या दोषींना फाशी देणारा जल्लाद म्हणतो, या कमाईतून करणार मुलीचं लग्न

‘त्या’ संध्याकाळी निर्भयासोबत असलेला तो मित्र सध्या काय करतो?

जल्लाद असलेल्या पवन यांनी त्या चार दोषींना फासावर लटकवल्यानंतर त्यांना फार समाधान वाटले. पण त्यांना वाटलेले समाधान हे केवळ क्रूर दोषींना फासावर लटकवल्याचे नव्हते, तर त्यांच्या मुलीच्या लग्नासंबंधी गोष्टीचेही होते. जागरणच्या वृत्तानुसार या चार दोषींना फाशी देऊन झाल्यावर या कामाचे जे मानधन म्हणून पैसे मिळणार आहेत, त्या पैशातून पवन हे आपल्या मुलीचे लग्न करणार आहेत. २२ जानेवारीला सकाळी ७ वाजता या चार दोषींनी फासावर लटकवण्याचे आदेश देण्यात आले होते. त्यावेळी पवन यांना खूप आनंद झाला होता. या कामाचे जे पैसे मिळतील त्यातून मी माझ्या नैतिक जबाबदाऱ्या पार पाडेन. माझ्या मुलींची लग्न आणि काही कर्जे फेडता येतील, असे पवन म्हणाले होते.

“निर्भया, आम्हाला उशीरच झाला”; भाजपा खासदार गंभीरची कबुली

“एकाच वेळी चार जणांना फाशी देण्याची माझी ही पहिलीच वेळ असणार आहे. त्या मोबदल्यात मला लाखभर रूपयांचे मानधन नक्की मिळेल. एकाच वेळी लाखभर रूपये बघण्याचीही माझी पहिलीच वेळ असेल. या फाशीची अंमलबजावणी केल्यानंतर मिळालेल्या पैशातून मी माझ्या मुलीचं लग्न करून देईन”, असे ५७ वर्षाच्या पवन यांनी स्पष्ट केले.