“नितीश कुमारांचा सर्वनाश अटळ; मला पश्चाताप होतोय की मी…” प्रशांत किशोर यांचं विधान!

बिहारमध्ये विषारी दारू प्राशन केल्याने बिहारमध्ये ५३ जणांचा मृत्यू झाला आहे. त्यातच मुख्यमंत्री नितीश कुमार यांनी ‘जे लोक बनावट दारू पितात, त्यांचा मृत्यू होणारच’ (जो पियेगा, वो मरेगा!) असं विधान केल्याने विरोधकांनी त्यांच्यावर टीका सुरू केली आहे. याच पार्श्वभूमीवर प्रशांत किशोर यांनी, नितीश कुमारांचा सर्वनाश होणं अटळ आहे, असं विधान केलं आहे. आज ते शिवहरमध्ये आपल्या पदयात्रेची सुरुवात करत होते, यावेळी त्यांनी म्हटले की, “बिहारचे मुख्यमंत्री नितीश कुमार यांच्या एवढा संवेदनाहीन माणूस मी पाहिला नाही. मला पश्चाताप होतोय की मी २०१४-१५ मध्ये मुख्यमंत्री नितीश कुमारांची मदत केली.”

आणखी वाचा

Jharkhand : झारखंडमध्ये आजी-माजी मुख्यमंत्री आघाडीवर, JMM आणि भाजपामध्ये अटीतटीची लढत!

Wayanad : वायनाडमध्ये प्रियांका गांधी लाखभर मतांनी आघाडीवर;…

मणिपूरबाबत चुकीचे कथानक पसरवले; भाजप अध्यक्ष नड्डा यांचा काँग्रेसवर आरोप

अदानी लाचखोरीप्रकरणी राज्यांनी आरोप फेटाळले

हिंसेशी मोदी, शहांचा संबंध नाही! कॅनडाचे स्पष्टीकरण, वृत्त काल्पनिक आणि खोटे असल्याचे निवेदन प्रसिद्ध

घटनेत धर्मनिरपेक्ष, समाजवादी शब्द प्रकरणी याचिका : आणीबाणी काळात संसदेने जे केले ते निरर्थक ठरविणे अशक्य; सर्वोच्च न्यायालयाची टिप्पणी

Naxalites Killed In Encounter : छत्तीसगडमध्ये १० नक्षलवादी ठार

अदानींसमोर अटकेचे आव्हान; चौकशीसाठी अमेरिकेत प्रत्यार्पण शक्य; विरोधकांचे केंद्रावर टीकास्त्र

WhatsApp वरचा एक न वाचलेला मेसेज, दिल्लीतल्या विवाहितेची लंडनमध्ये झालेली हत्या कशी उलगडली? काय आहे प्रकरण?

याशिवाय प्रशांत किशोर म्हणाले, “या अहंकारी माणसाचा सर्वनाश होणं अटळ आहे. करोना महामारीत जेव्हा बिहारमध्ये लाखो लोक भूकेने व्याकुळ होत होते आणि परत आपल्या घरी येत होते, तेव्हाही नितीश कुमार त्यांच्या घरातून बाहेर निघाले नाहीत. एवढच नाहीतर छपरामध्ये दारूमुळे होणाऱ्या मृत्यूंवरही त्यांनी शोक व्यक्त केला नाही.” अशी टीकाही प्रशांत किशोर यांनी केली.

याचबरोबर, “बिहारमध्ये जागोजागी दारू घरपोच मिळत आहे आणि बिहार सारख्या गरीब राज्याचे संपूर्ण वर्षभरात दारू बंदीमुळे जवळपास २० हजार कोटींचे नुकसान होत आहे. बिहारमधील दारू बंदी पूर्णपणे अयशस्वी आहे. दारूबंदीमुळे जे नुकसान होत आहे त्याची भरपाई सामान्य जनता आणि शेतकऱ्यांकडून केली जात आहे. डिझेलवर ९ आणि पेट्रोलवर १३ रुपये लिटर टॅक्स वसूल केला जात आहे.”

दारु प्राशन केल्याने मृत्यू झालेल्यांच्या कुटुंबीयांना कोणतीही भरपाई दिली जाणार नसल्याचं बिहारचे मुख्यमंत्री नितीश कुमार यांनी स्पष्ट केलं आहे. विधानसभेत बोलताना नितीश कुमार यांनी मदत दिली जाणार नसल्याचं जाहीर केलं आहे. “दारु प्राशन केल्याने मृत्यू झालेल्यांच्या कुटुंबीयांना कोणतीही भरपाई दिली जाणार नाही. आम्ही नेहमीच मद्यप्राशन करु नका, मृत्यू होईल असं आवाहन करत आहोत. मद्यप्राशनाच्या बाजूने बोलणारे तुमचं काही भलं करु शकत नाहीत,” असं नितीश कुमार म्हणाले आहेत.