युक्रेनमधील रशियन हल्ल्याने जग आधीच हैराण झालं आहे. मात्र आता आणखी एका हुकूमशहाने विनाशकारी क्षेपणास्त्र डागून संपूर्ण जगाला संकटात टाकलं आहे. उत्तर कोरियाने रविवारी समुद्रात बॅलेस्टिक क्षेपणास्त्र डागले असून या क्षेपणास्त्राचे थेट लक्ष्य जपान आहे. उत्तर कोरियाच्या क्षेपणास्त्र चाचणीनंतर अमेरिकेवर मोठा दबाव निर्माण झाला आहे. युक्रेनच्या संकटाकडे अमेरिकेचं लक्ष वेधलं गेलं असताना, हुकूमशहा किम जोंग उन याचा जबरदस्त फायदा घेण्याचा प्रयत्न करत असल्याचे मानले जाते.
यावेळी उत्तर कोरियाने प्रक्षेपित केलेले बॅलिस्टिक क्षेपणास्त्र या वर्षातील आठवे आणि ३० जानेवारीनंतरचे पहिले बॅलिस्टिक क्षेपणास्त्र चाचणी होते. काही तज्ञांनी असे म्हटले आहे की उत्तर कोरिया आपले शस्त्र तंत्रज्ञान परिपूर्ण करण्याचा प्रयत्न करीत आहे आणि उत्तर कोरिया आता अमेरिकेवर त्याच्यावरील निर्बंध उठवण्यासाठी दबाव आणण्याचा प्रयत्न करीत आहे.
उत्तर कोरिया आता अमेरिकेसोबत निःशस्त्रीकरणासाठी वाटाघाटी करण्याचा प्रयत्न करत आहे. तज्ज्ञांचे म्हणणे आहे की युक्रेनच्या संकटामुळे अमेरिकेवर प्रचंड दबाव आहे आणि उत्तर कोरिया युक्रेनच्या संकटाचा फायदा घेऊन अमेरिकेवर अधिक दबाव आणण्याचा प्रयत्न करत आहे, जेणेकरून अमेरिका त्याच्याशी वाटाघाटी करण्यास तयार आहे.
