जम्मू-काश्मीरमधील कारगिल विभागात शनिवारी झालेल्या हिमस्खलनात लष्कराचा गस्तीवर असलेला एक जवान अडकला तर त्याच्याबरोबरच्या दुसऱ्या जवानाची बर्फातून सुटका करण्यात यश आले आहे. जम्मू-काश्मीर आणि हिमाचल प्रदेशमधील ३००० मीटर उंचीवरील प्रदेशात हिमवृष्टी सुरू असल्याने हिमस्खलन होण्याचा इशारा संरक्षण संशोधन आणि विकास संस्थेने दिला होता. शनिवारी कारगिल प्रदेशात सौम्य भूकंपाचा धक्का बसल्याने हिमस्खलन झाले. त्यात गस्तीवर असलेले दोन जवान अडकले. त्यातील एका जवानाची सुटका करण्यात यश आले आहे.