पद्मश्री विजेत्यानं शहराला भेट दिलं ५० कोटींचं हेलिकॉप्टर; कारण वाचून वाटेल अभिमान

न्यूज १८ने दिलेल्या वृत्तानुसार, सावजी ढोलकिया हे मागच्या अनेक दिवसांपासून सुरतच्या लोकांना हेलिकॉप्टर भेट देण्याचा विचार करत होते. त्यातच कुटुंबाकडून सरप्राईज गिफ्टमध्ये हेलिकॉप्टर मिळाल्याने त्यांनी हे हेलिकॉप्टर भेट देण्याचा आपला निर्णय जाहीर केला. सावजी ढोलकिया म्हणाले की, “मला माझे कुटुंबीय एवढं मोठं सरप्राईज गिफ्ट देणार आहे हे मला माहीत नव्हते. मी माझ्या कुटुंबाकडून भेट नाकारू शकलो नाही. त्यामुळे ते मी घेतलं आणि नंतर मनापासून सामाजिक कारणांसाठी भेट देण्याचा निर्णय घेतला.”

आणखी वाचा

मतदानाच्या दिवशी बेस्ट बसच्या जादा फेऱ्या; दिव्यांग, वृद्ध मतदारांसाठी ‘लो फ्लोअर डेक’ बस धावणार

Nana Patole : निकालाआधी राजकीय घडामोडींना वेग; यातच…

‘पुष्पा’साठी राष्ट्रीय पुरस्कार घेताना अल्लू अर्जुन दु:खी का होता? स्वत: सांगितलं कारण

हेलिकॉप्टर उडणार नाही ही भीती; पाच मिनिट अन् गृहमंत्री अमित शहा सभा सोडून…

“ये आदमी पागल है”, तरुणीने रिक्षाचालकाला केली शिवीगाळ अन्…, पुढे जे घडलं ते खतरनाक, पाहा VIDEO

राजकीय नेत्यांचे हेलिकॉप्टर अन् बॅग तपासणारे अधिकारी कोण असतात? एफएसटी पथक म्हणजे काय? जाणून घ्या!

Ajit Pawar : अजित पवार यांच्या हेलिकॉप्टरची तपासणी, बॅगांसह जेवणाचा डबाही तपासला, VIDEO शेअर करत म्हणाले…

ढोलकिया पुढे म्हणाले की, “सुरत ही गुजरातची आर्थिक राजधानी आहे, पण या शहराजवळ स्वतःचे हेलिकॉप्टर नाही. त्यामुळे मी ही भेट सुरतच्या जनतेला आणि सामाजिक कार्यासाठी काम करणाऱ्या लोकांना समर्पित करत आहे.” विशेष म्हणजे, ढोलकिया यांनी आपले जीवन जलसंवर्धन आणि पाण्याची कमतरता असलेल्या सौराष्ट्र प्रदेशात तलाव खोदण्यासाठी समर्पित केले आहे. त्यांनी सौराष्ट्रातील अमरेली जिल्ह्यातील लाठी तालुक्यातील त्यांच्या मूळ गावाभोवती ७५ हून अधिक तलाव बांधले आहेत. हे सर्व तलाव अकाळा, दुधला, लाठी गाव या गावांतील ओसाड सरकारी जमिनीवर बांधण्यात आले आहेत.

महिला हॉकी संघासाठी सावजी ढोलकिया यांनी गिफ्ट देण्याची केली होती घोषणा…

भारतीय महिला हॉकी संघ टोक्यो ऑलिम्पिकच्या उपांत्य फेरीत पोहोचल्यानंतर संघाचं मनोबल उंचावण्यासाठी हिरे व्यापारी सावजी ढोलकिया यांनी मोठी घोषणा केली होती “महिला हॉकी संघाने अंतिम सामना जिंकला, तर हॉकी संघातील महिला खेळाडूंना हरि कृष्णा ग्रुपच्या वतीने ११ लाख रुपयांचं घर किंवा नवीन कार भेट दिली जाईल. आपल्या मुली टोक्यो ऑलिम्पिकमध्ये प्रत्येक पावलांवर इतिहास रचत आहेत, त्यांना आर्थिक मदतीची गरज आहे”, असं ढोलकिया यांनी म्हटलं होतं.