Pakistan Terrorist Attack : पाकिस्तानमध्ये मोठा दहशतवादी हल्ला; तब्बल ५० जणांचा मृत्यू, २० पेक्षा जास्त जण जखमी

पाकिस्तानमधील (Pakistan Terrorist Attack) काही नागरिकांना एक प्रवासी वाहन घेऊन जात असताना अचानक दहशतवाद्यांनी मोठ्या प्रमाणात दाधुंद गोळीबार केल्याची माहिती सांगण्यात आली आहे. या घटनेत जखमी झालेल्यांना रुग्णालयात दाखल करण्यात आलं असून त्यांच्यावर उपचार सुरु आहेत. यामधील काहींही प्रकृती गंभीर असल्याचं सांगितलं जात आहे. तसेच मृतांच्या संख्येत आणखी वाढ होण्याची शक्यता आहे. दरम्यान, अलीकडच्या काही वर्षांत या प्रदेशात झालेल्या हल्ल्यापैकी हा सर्वात प्राणघातक हल्ला होता. दरम्यान, या घटनेसंदर्भातील वृत्त इंडियन एक्स्प्रेसने दिलं आहे.

हेही वाचा : Zomato CEO : बिनपगारी अन् फुल्ल अधिकारी, झोमॅटोच्या ‘या’ पदासाठी आले दहा हजार अर्ज; नियम अन् अटी तर वाचा!

दरम्यान, पोलिसांच्या म्हणण्यानुसार, पाकिस्तानमध्ये आतापर्यंत झालेल्या हल्ल्यापैकी हा सर्वात मोठा हल्ला मानला जात आहे. ही घटना घडल्यानंतर तात्काळ लष्कराने घटनास्थळी पोहोचत मदतकार्य सुरु केल्याचं सांगितलं जात आहे. मात्र, आतापर्यंत कोणत्याही गटाने या हल्ल्याची जबाबदारी स्वीकारलेली नाही. मात्र, या घटनेनंतर खैबर पख्तुनख्वामधील नेते अली अमीन खान गंडापूर यांनी या हल्ल्याचा (Terrorist Attack) निषेध केला आहे. तसेच प्रशासनाकडून प्रांतातील सर्व रस्त्यांची सुरक्षा सुनिश्चित करण्यासाठी प्रांतीय महामार्ग पोलीस युनिट स्थापन करण्याचे निर्देशही देण्यात आल्याची माहिती सांगितली जात आहे.