Parliament Special Session 2023: संसदेचं विशेष अधिवेशन १८ सप्टेंबरपासून बोलवण्यात आलं आहे. मंगळवारी पंतप्रधान नरेंद्र मोदी यांनी आपलं मंत्रिमंडळ आणि सर्वपक्षीय खासदार यांच्यासह संसदेच्या नव्या इमारतीत प्रवेश केला. त्यानंतर जे पहिलं विधेयक लोकसभेत मांडलं गेलं ते महिला आरक्षण विधेयक आहे. या विधेयकाला केंद्रीय मंत्रिमंडळाकडून मंजुरी देण्यात आली असून आज आणि उद्या यावर साधकबाधक चर्चा होणार आहे. मोदींनी हे विधेयक मांडल्यापासूनच काँग्रेस आणि भाजपा यांच्यात श्रेयवादाची लढाई सुरु झाली आहे. अशात आज काँग्रेसतर्फे सोनिया गांधींनी भूमिका मांडली आहे. या सगळ्या घडामोडींवर आणि देशात तसंच राज्यात काय काय घडणार हे आपण लाईव्ह ब्लॉगच्या माध्यमातून वाचणार आहोत.
Parliament Special Session| संसदेच्या विशेष अधिवेशनात महिला आरक्षणावर चर्चा, सोनिया गांधी बोलणार?
पंतप्रधान नरेंद्र मोदी यांच्या कडून राबविण्यात येणाऱ्या अमृत सरोवर प्रकल्पाचे स्वागत असून नॅशनल वेटलँड्स ॲटलासने दोन लाखांहून अधिक पाणथळ जागांसह ८० हजार अमृत सरोवरांना पाणथळ जागा म्हणून अधिसूचित करावे व त्यांचे संवर्धन करावे असे आवाहन पर्यावरणवाद्यांनी केले आहे.
महिला आरक्षण विधेयक मंजूर झाल्याने महिलांच्या अधिकारांची एक प्रदीर्घ लढाई संपणार आहे. जी २० परिषदेत पंतप्रधान नरेंद्र मोदींनी महिला नेतृत्वाखालील विकासाचं धोरण सगळ्या जगासमोर ठेवलं आहे. काही पक्षांसाठी महिलांचं सशक्तीकरण हा राजकीय मुद्दा असू शकतो. मात्र भाजपा किंवा नरेंद्र मोदींसाठी महिला सशक्तीकरण आणि महिलांसाठीचं हे विधेयक हा राजकीय अजेंडा नाही.
६० वर्षात काय दिलं याचा हिशेब कधी देणार?अमित शाह यांनी विरोधी पक्षाने जी जी वक्तव्यं केली त्यावर उत्तर दिलं आहे. तुम्ही १० वर्षात काय केलं? हा हिशेब तुम्ही आमच्याकडे मागत आहात, मात्र स्वतः ६० वर्षांचा हिशेब कधी देणार? महिला आरक्षणासाठी देवेगौडा सरकारपासून मनमोहन सरकारपर्यंत चार प्रयत्न झाले. त्यावेळी हे विधेयक का मंजूर झालं नाही? असाही प्रश्न अमित शाह यांनी विचारला.
सरकारी कर्मचारी भरती टाळून त्याऐवजी कंत्राटी पद्धतीने भरती करण्याच्या राज्य शासनाच्या धोरणाविरोधात राष्ट्रवादी काँग्रेसकडून आक्रमक भूमिका घेत लाक्षणिक उपोषण करण्यात आले. सरकारी भरतीमध्ये गैरप्रकार होत आहेत. परीक्षा शुल्कच्या माध्यमातून सरकार विद्यार्थ्यांना लुबाडत आहे.
महावितरणच्या विदर्भातील ५३ हजार ४७८ ग्राहकांनी वीजदेयकांसाठी छापील कागदाचा वापर बंद करून केवळ ‘ई-मेल’ व ‘एसएमएस’चा पर्याय निवडून महावितरणच्या ‘गो-ग्रीन’ योजनेला प्रतिसाद दिला आहे. त्यामुळे या सर्व ग्राहकांचे वर्षाला ६४ लाख रुपये वीज देयकात वाचत आहे.
सांगली : गुलालखोबर्‍याबरोबरच पेढ्यांची उधळण करीत आणि मोरयाच्या गजरात बुधवारी तासगावचा अडीच शतकांची परंपरा असलेला रथोत्सव मोठ्या उत्साहात पार पडला. या रथोत्सवाला यंदा तासगावचे संस्थानिक पटवर्धन घराण्यातील वादाची किनार लाभली.
आगामी निवडणुका लक्षात घेऊन भाजपने शहराप्रमाणे ग्रामीण भागातही सक्रिय पदाधिकाऱ्यांना सढळहस्ते पदांचे वाटप करुन संघटना मजबूत करण्यावर भर दिला आहे. भाजपने जिल्हा ग्रामीणच्या (उत्तर) २०२३- २०२६ या वर्षासाठी जाहीर केलेल्या कार्यकारिणीतून तेच अधोरेखीत होत आहे.
कल्याण पश्चिम येथील उंबर्डे भागातील मुथा महाविद्यालयासमोरील खेळाच्या मैदानावर भूमाफियांनी बेकायदा बांधकामे केली होती. यासंदर्भाच्या तक्रारी प्राप्त झाल्यानंतर पालिकेच्या ब प्रभागाच्या अधिकाऱ्यांनी ही बांधकामे जमीनदोस्त केली.
चंद्रपूर : सिंदेवाही तालुक्यात विजांच्या कडकडाटासह मुसळधार पावसाने हजेरी लावली. यावेळी तालुक्यातील मौजा सिरकाडा या गावात प्रदीप यादव बोरकर यांच्या शेतात निंदनाचे काम सुरू असताना दुपारी एक वाजताच्या सुमारास वीज कोसळून महानंदा मोतीराम अलोणे (६४ ) ही महिला ठार झाली तर अन्य एक महिला जखमी झाली.
नागपूर : प्रत्येक कार्यात पहिल्या पूजेचा मान श्री गणेशाचा असतो. तो सगळ्यांचा प्रमुख आहे. बुद्धीचा देवता, विघ्नहर, संकटमोचक असलेल्या बाप्पाला भाद्रपद महिन्यात गणेश चतुर्थीला पुजले जाते.
वारंवार शारीरिक व मानसिक त्रास देऊन तसेच घरगुती कारणावरून सासरच्या मंडळींनी एका विवाहितेची छऱ्याची बंदुक झाडून हत्या केल्याची घटना तालुक्यातील अजनुप येथील बोंडारपाडा येथे घडली. रंजना भवर (२७) असे मृत महिलेचे नाव असून याप्रकरणी नवरा, सासू, सासरा यांसह सहा जणांना शहापुर पोलिसांनी ताब्यात आहे.
नागपूर : केंद्र व राज्य लोकसेवा आयोगाव्यतिरिक्तही अनेक महत्त्वाच्या, भरपूर पगार व प्रतिष्ठा असणाऱ्या नोकऱ्या आहेत. त्यासाठी जर प्रयत्न केले तर सुशिक्षित पदवीधरांना नव्या वाटा, नवीन संधीतून आयुष्याचे सोने करता येणे शक्य आहे.
बुलढाणा : विदर्भ पंढरी शेगाव येथे आज बुधवारी गजानन पुण्यतिथी सोहळा (ऋषिपंचमी निमित्त) भाविकांची मांदियाळी जमली. विदर्भासह राज्यातील अन्य भागांतून शेकडो दिंड्या दाखल झाल्याने मंदिर परिसर व रस्ते आबालवृद्ध भाविकानी फुलल्याचे दिसून आले. श्री गजानन महाराज यांनी ११३ वर्षांपूर्वी तिथीनुसार ऋषिपंचमीला संजीवन समाधी घेतली होती.
नागपूर : कॉंग्रेसने घराणेशाही केली आणि राष्ट्रवादी पक्ष ही सरदारांची फौज आहे. शरद पवार यांनी कुटुंबाशिवाय बाहेरच्या लोकांना मोठे होऊ दिले नाही. भाजपाने देशाला मोठे नेतृत्व दिल्यामुळे आमच्या पक्षात सामान्य कार्यकर्ता मोठा होऊ शकतो. त्यामुळे रोहीत पवार नुकतेच राजकारणात आले आहे, त्यामुळे त्यांनी भाजपावर बोलण्यापूर्वी आपल्या पक्षाची परंपरा आणि संस्कृती बघावी, अशी टीका भारतीय जनता पक्षाचे प्रदेशाध्यक्ष चंद्रशेखर बावनकुळे यांनी केली.
ठाणे महापालिका क्षेत्रात बेकायदा बांधकामे सुरू असल्याच्या तक्रारी सातत्याने पुढे येत आहेत. या पार्श्वभूमीवर आयुक्त बांगर यांनी नुकतीच एक बैठक घेऊन त्यात बेकायदा बांधकामांकडे होत असलेल्या दुर्लक्षाबाबत तीव्र नाराजी व्यक्त केली होती.
दूरवरच्या ओडिशा राज्यात शिक्षणासाठी गेलेल्या बुलढाणा जिल्ह्यातील एका युवकाचा दुर्दैवी मृत्यू झाला. गणेश स्थापना मिरवणुकीत उच्चदाबाचा विद्युत धक्का लागून वाहनातून खाली कोसळून तो दगावला. त्याचे काही सहकारी अत्यवस्थ असल्याचे वृत्त आहे.
पनवेल : पनवेल पालिकेच्यावतीने ३७७ पदांसाठी ५४ हजार ५५८ इच्छुक उमेदवारांनी अर्ज भरले आहेत. सरळसेवेची ही परिक्षा कधी होणार याकडे उमेदवारांचे लक्ष लागले आहे. लवकरच परिक्षेची तारीख पनवेल पालिका आयुक्त जाहीर करतील असे पालिकेच्या जनसंपर्क विभागाने बुधवारी जाहीर केले.
माझ्यासारख्या महिलांनी आरक्षण घेऊ नये या मताची मी आहे. मी कसं काय आरक्षण घेणार? कारण हे आरक्षण ज्या महिलांना संधी मिळत नाही त्यांच्यासाठी आहे. माझ्यासारख्या महिलांनी हेच काय कुठलंही आरक्षण मग ते मराठा असेल, ओबीसींचं असेल, धनगर, मुस्लिम असेल कुठलंही आरक्षण घेऊ नये. कारण ज्याला आरक्षण खरोखर गरजेचं आहे त्याला त्याचा फायदा होईल. आम्हाला शिक्षण मिळालं आहे आमच्या कुटुंबाने आम्हाला आमच्या पायावर उभं केलं आहे. त्यामुळे आम्ही आरक्षण घ्यायला नको. महिला आरक्षणाची अमलबजावणी झाली पाहिजे तेव्हा त्यावर बोलता येईल. ए
दूरवरच्या ओडिशा राज्यात शिक्षणासाठी गेलेल्या बुलढाणा जिल्ह्यातील एका युवकाचा दुर्दैवी मृत्यू झाला. गणेश स्थापना मिरवणुकीत उच्चदाबाचा विद्युत धक्का लागून वाहनातून खाली कोसळून तो दगावला. त्याचे काही सहकारी अत्यवस्थ असल्याचे वृत्त आहे.
गणेशोत्सव सुरू झाला असून मुंबईमध्ये गणेश दर्शनासाठी मोठ्या संख्येने भाविक येत असतात. तसेच देश-विदेशातील अनेक पर्यटक खास गणेशोत्सवात मुंबईला भेट देतात. गणेशोत्सवानिमित्त मुंबईत होणारी गर्दी लक्षात घेऊन बेस्ट उपक्रमाने नागरिकांसाठी अतिरिक्त बसगाड्या सोडण्याचा निर्णय घेतला आहे.
नागपूर : बहुचर्चित तलाठी भरती परीक्षा अखेर १४ सप्टेंबरला संपली. १० लाख ४१ हजार उमेदवारांपैकी आठ लाख ६४ हजार उमेदवारांनी प्रत्यक्षात ही परीक्षा दिली.
गोंदिया : मंगळवारी सर्वत्र जल्लोष आणि आनंदात गणरायाची स्थापना झाली. गणरायांचा आवडता मोदक हा पूर्वी घरातील महिला घरीच तयार करायच्या. मात्र यातही काळानुरूप बदल झाले आहेत. आता बहुतांश घरी बाजारातील मिष्ठान्नाच्या दुकानात मिळणाऱ्या मोदकलाच पहिली पसंती दिली जाते. यंदा बाप्पाच्या अतिप्रिय मोदकालाही महागाईची झळ बसली आहे.
अकोला : सणासुदीच्या काळात सुरक्षेसाठी अकोला पोलीस प्रशासन ‘दक्ष’ झाले. प्रत्येक गणेश मंडळासाठी दत्तक योजना राबविण्यात आली आहे. प्रत्येक मंडळासाठी अंमलदार कर्तव्यावर ठेवण्यात आला आहे. सीसीटीव्ही व ड्रोनद्वारे नजर ठेवली जात असल्याची माहिती जिल्हा पोलीस अधीक्षक संदीप घुगे यांनी दिली.
कल्याण: येथील मुरबाड रस्ता रामबाग विभागातील ठाकरे गटाचे समर्थक ज्येष्ठ शिवसैनिक विजय साळवी यांच्या विजय तरुण मंडळाला महात्मा फुले पोलीस ठाण्याच्या पोलिसांनी प्रतिबंधात्मक नोटीस दिली आहे.
वर्धा : पंतप्रधान नरेंद्र मोदी यांनी पारंपारिक कारागिरांचे कौशल्य टिकावे व त्यातून त्यांची आर्थिक उन्नती व्हावी म्हणून विश्वकर्मा कौशल्य सन्मान योजना जाहीर केली आहे. योजनेच्या माध्यमातून देशातील ३० लाख कारागिरांना लाभ मिळणे अपेक्षित आहे.
शिवसेना खासदार भावना गवळी यांनी हे बिल म्हणजे महिलांसाठी मोदी सरकारने घेतलेला अत्यंत महत्वाचा निर्णय आहे असं म्हटलं आहे. तसंच इंडिया आघाडी म्हणजे दलदल आहे ही दलदल आपल्याच वादांमध्ये अडकणार आहे आणि २०२४ ला कमळ पुन्हा फुलणार आहे असं वक्तव्य भावना गवळी यांनी केलं आहे. तसंच महिला आरक्षण बिल आणून सरकारने एक चांगली सुरुवात केली आहे. आम्ही त्यांच्या पाठिशी कायम आहोत असंही भावना गवळींनी म्हटलं आहे. स्त्रियांना इथपर्यंत पोहचण्यासाठी खूप संघर्ष करावा लागतो. मी देखील संघर्ष करुन इथपर्यंत आले आहे. मात्र काही कुटुंबातल्या लोकांना वाटतं आपल्या घरातली स्त्री या सभागृहात आली म्हणजे मिळालं आरक्षण. तर ते तसं नाही त्यासाठी ठोस पाऊल उचलणं आवश्यक होतं जे मोदींनी उचललं आहे. असं म्हणत भावना गवळींनी काँग्रेसला टोला लगावला आहे.
संसदेत मी या बिलाविषयी आवाज उठवला होता. महिला आरक्षण विधेयक येत असेल तर ही चांगलीच बाब आहे. मात्र भाजपा त्यावरुन राजकारण करु पाहतं आहे हे दुर्दैवी आहे. महिला आरक्षण हा आत्ता भाजपाचा निडवणुकीसाठी उभा केलेला जुमला आहे. माझी सरकारकडे मागणी आहे की हे बिल लवकरात लवकर पास करा असं डीएमके खासदार कनिमोळी यांनी म्हटलं आहे.
नागपूर : अखिल भारतीय राष्ट्रीय शैक्षिक महासंघ म्हणजेच विद्यापीठ शिक्षण मंचाच्या होऊ घातलेल्या चार दिवसीय अधिवेशनासाठी राष्ट्रसंत तुकडोजी महाराज नागपूर विद्यापीठाच्या विविध प्राधिकारणांच्या सदस्यांकडून पैसे मागितले जात असल्याची माहिती आहे.
नागपूर: प्रेमप्रकरण कुटुंबियापर्यंत पोहचल्यामुळे तरुणीने अचानक दुरावा केल्यावरून नाराज इंस्टाग्रामवरील मित्राने तरुणीला अश्लील मॅसेज केले. त्या युवकाची समजूत घातल्यानंतरही तो मॅसेज पाठवत होता. अखेर पोलिसात तक्रार करण्यात आली.
चंद्रपूर : राज्यात बंदी असलेल्या सुगंधित तंबाखूची जिल्ह्यात तस्करी सुरू असून बल्लारपूर टोल नाक्यावर मंगळवारी सायंकाळी पाच वाजता नागपूर व अमरावतीच्या दक्षता विभागच्या पथकाने १ कोटी ११ लाखांचा सुगंधी तंबाखू जप्त केला. या कारवाईनंतर बल्लारपूरचा गुटखा किंग ‘जयसुख’चे नाव चर्चेत आले आहे.
संसदेचं विशेष अधिवेशन १८ सप्टेंबरपासून बोलवण्यात आलं आहे. मंगळवारी पंतप्रधान नरेंद्र मोदी यांनी आपलं मंत्रिमंडळ आणि सर्वपक्षीय खासदार यांच्यासह संसदेच्या नव्या इमारतीत प्रवेश केला. त्यानंतर जे पहिलं विधेयक लोकसभेत मांडलं गेलं ते महिला आरक्षण विधेयक आहे.
पंतप्रधान मोदींनी लोकसभेत मांडलं महिला आरक्षण विधेयक. (PC : Sansad TV Youtube)
