फक्त ३ महिन्यांत यूट्यूबनं हटवले तब्बल ९५ लाख व्हिडीओ! संसदीय समितीसमोर Google नं दिली आकडेवारी!

Twitter ला दिले लेखी उत्तराचे आदेश

काँग्रेस खासदार शशी थरूर अध्यक्ष असलेल्या आयटीसंदर्भातल्या संसदीय समितीने नुकतीच केंद्रीय माहिती व प्रसारण खात्याच्या सचिवांना ट्विटरकडून लेखी उत्तर घेण्याचे निर्देश दिले आहेत. केंद्रीय मंत्री मंत्री रवीशंकर प्रसाद आणि आणि खुद्द शशी थरूर यांचं ट्विटर अकाउंट काही काळासाठी बंद करण्यात आलं होतं. कोणत्या आधारावर ट्विटरनं ही कारवाई केली? याचं लेखी उत्तर ट्विटरकडून मागवण्याचे निर्देश शशी थरूर यांनी दिले आहेत. येत्या २ दिवसांत त्यासंदर्भात ट्विटरला लेखी उत्तर द्यावं लागणार आहे. या पार्श्वभूमीवर आज फेसबुक आणि गुगलच्या प्रतिनिधींसोबतची बैठक महत्त्वपूर्ण मानली जात होती.

Parliamentary panel for IT headed by Congress leader Shashi Tharoor directed the secretariat to seek in writing from Twitter within two days on what basis Twitter accounts of IT Minister Ravi Shankar Prasad & Shashi Tharoor were blocked. Letter to Twitter likely to be sent today

— ANI (@ANI) June 29, 2021

९५ लाख Video, २२ लाख YouTube चॅनल्सवर कारवाई!

या बैठकीदरम्यान, गुगलनं यूट्यूबकडून आक्षेपार्ह मजकुरावर करण्यात आलेल्या कारवाईची माहिती देण्यात आली. “या वर्षी जानेवारी ते मार्च या ३ महिन्यांमध्ये यूट्यूबनं तब्बल ९५ लाख व्हिडीओ काढून टाकले आहे. यूट्यूबच्या कम्युनिटी गाईडलाईन्सचं उल्लंघन करणारे हे व्हिडीओ होते. यातले ९५ टक्के व्हिडीओ हे यूट्यूबकडच्या ऑटोमॅटिक मशिनरीच्या सहाय्याने शोधून काढण्यात आले होते. यामध्ये मानवी हस्तक्षेप अजिबात नव्हता. यूट्यूबच्या या प्रणालीमार्फत शोधण्यात आलेल्या ९५ टक्के व्हिडीओंपैकी २७.८ टक्के व्हिडीओंना एकही व्यू मिळाला नव्हता, तर ३९ टक्के व्हिडीओंना १ ते १० व्यूज मिळाले होते, अशी माहिती गुगलच्या प्रतिनिधींनी संसदीय समितीला दिली आहे.

Between Jan & March 2021,YouTube removed over 9.5 mn videos for violating its Community Guidelines. 95% of these videos were first flagged by machines rather than humans. Of those detected by machines, 27.8% never received a single view & 39% received 1-10 views: Google officials

— ANI (@ANI) June 29, 2021

१ बिलियन कमेंट्स केल्या डिलीट!

दरम्यान, याच कालावधीमध्ये यूट्यूबनं व्हिडीओंच्या खाली येणाऱ्या १ बिलियन अर्थात १०० कोटी आक्षेपार्ह कमेंट्स डिलीट केल्या आहेत. यातल्या बहुतेक कमेंट्स या स्पॅम होत्या आणि त्या यूट्यूबच्या ऑटोमॅटिक प्रणालीमार्फत शोधण्यात आल्या होत्या, असं गुगलच्या प्रतिनिधींनी यावेळी सांगितलं आहे. याशिवाय, यूट्यूबनं या तीन महिन्यांच्या कालावधीमध्ये त्यांच्या नियमावलीचं उल्लंघन करणारे २२ लाख चॅनल्स देखील बंद केले आहेत.

Twitter ला केंद्र सरकारशी पंगा भोवला? दिल्ली सायबर सेलनं दाखल केला गुन्हा!

Parliamentary Standing Committee on Information Technology directs Facebook and Google to comply with new IT rules and follow rules of the country. pic.twitter.com/G14g9JaKLl

— ANI (@ANI) June 29, 2021

दरम्यान, या बैठकीनंतर संसदीय समितीने फेसबुक आणि गुगल या दोन्ही कंपन्यांना केंद्र सरकारच्या नव्या नियमावलीचं पालन करण्याचे निर्देश दिले आहेत. या नियमावलीनुसार समाज माध्यम सेवा देणाऱ्या कंपन्यांना तक्रार निवारण अधिकारी आणि इतर मनुष्यबळाची नियुक्ती करणं बंधनकारक करण्यात आलं आहे.