पेट्रोल-डिझेलवरील अबकारी शुल्कात वाढ

केंद्र सरकारने पेट्रोल व डिझेलवरील अबकारी शुल्क अनुक्रमे लिटरमागे ०.३७ पैशांनी व २ रुपयांनी वाढविण्याचा निर्णय घेतला आहे.
त्यामुळे पेट्रोल व डिझेलच्या दरात वाढ होण्याची शक्यता नसली, तरी सरकारी तिजोरीत मात्र सुमारे ४ हजार ४०० कोटी रुपयांची भर पडणार आहे. दोन आठवडय़ांत अबकारी शुल्कात वाढ होण्याची ही दुसरी वेळ आहे. यामुळे साध्या पेट्रोलवरील अबकारी शुल्क ७ रुपये ३६ पैशांवरून ७ रुपये ७३ पैशांवर गेले आहे. तर, साध्या डिझेलवरील शुल्क ५ रुपये ८३ पैशांवरून ७ रुपये ८३ पैशांवर गेले आहे.