महिन्याभरात दुसऱयांदा पेट्रोल आणि डिझेलच्या दरात तेल कंपन्यांनी वाढ केली आहे. पेट्रोलच्या दरात प्रतिलिटर ३.१३ पैसे आणि डिझेलच्या दरात प्रतिलिटर २.७१ पैसे इतकी वाढ करण्यात आली आहे. शुक्रवारी मध्यरात्रीपासूनच नवे दर अंमलात येणार आहेत.
आंतरराष्ट्रीय बाजारात कच्च्या तेलाचे दर वाढल्यामुळे तेल कंपन्यांनी पेट्रोल आणि डिझेलच्या दरात वाढ करण्याचा निर्णय घेतला. काही दिवसांपूर्वीच पेट्रोलच्या दरात तीन रुपयांनी वाढ करण्यात आली होती. आता पुन्हा एकदा पेट्रोल आणि डिझेलच्या दरात वाढ झाल्यामुळे महागाई आणखी वाढण्याची शक्यता आहे.
