मी पंतप्रधान नव्हे, मी देशाचा ‘प्रधान सेवक’- नरेंद्र मोदी

नरेंद्र मोदी यांच्या भाषणातील काही ठळक मुद्दे:
* मी तुमच्यासमोर ‘पंतप्रधान‘ म्हणून नाही, तर ‘प्रधान सेवक’ म्हणून उभा आहे.
* देशाच्या स्वातंत्र्यासाठी त्या पिढ्यांनी तरुण वयामध्येच जीवन समर्पित केले. स्वातंत्र्यलढ्यामध्ये बलिदान दिलेल्या सर्वांना मी सलाम करतो.
* नेते किंवा सत्ताधारी, सरकार राष्ट्र तयार करत नाहीत. शेतकरी, कामगार, महिला, तरुण, शास्त्रज्ञ यांच्यामुळे राष्ट्र घडते.
* आतापर्यंत देशाच्या प्रगतीसाठी सर्व पंतप्रधानांनी, सर्व राज्यांमधील सरकारचे योगदान आहे.
निवडणुकीतील जनादेशाच्या जोरावर पुढे जाण्याची आमची इच्छा नाही. एकत्र काम करत सामंजस्याने काम करण्याकडे आमचा कल आहे.
* बलात्काराच्या घटनांबद्दल वाचले, की मान शरमेने खाली जाते. मुलींवर निर्बंध लादण्याचे प्रयत्न केले जातात; पण स्वत:च्या मुलांना जाब विचारण्याचे धाडस कुणी करते का? शेवटी, बलात्कार करणारा हा कुणाचातरी मुलगा असतोच. पालक म्हणून मुलगा आणि मुलगी या दोघांनाही सारखीच फुटपट्टी लावली पाहिजे.
* आपल्या देशातील महिला-पुरुषांचे प्रमाण पाहिले आहे? समाजात हा असमतोल कोण निर्माण करत आहे? स्त्री-भ्रूण हत्या करू नये, असे माझे सर्व डॉक्‍टरांना आवाहन आहे.