“माझे खासगी फोटो…”, स्वाती मालिवाल यांचा ‘आप’पक्षावर मोठा आरोप

दिल्ली महिला आयोगाच्या माजी अध्यक्षा स्वाती मालिवाल यांच्यावर १३ मे रोजी मुख्यमंत्री अरविंद केजरीवाल यांच्या निवासस्थानी हल्ला करण्यात आला. मुख्यमंत्र्यांचे सहायक बिभव कुमार यांनी मारहाण केल्याचा आरोप केल्यानंतर स्वाती मालिवाल यांनी तक्रार दाखल केली. दिल्ली पोलिसांनी बिभव कुमार यांना ताब्यात घेतले असून त्यांची चौकशी सुरू आहे.

आणखी वाचा

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

Goa Tourism : गोव्याकडे देश-विदेशातील पर्यटकांची पाठ? शॅक…

आरोपांनंतर धनंजय मुंडे मुख्यमंत्र्यांच्या भेटीला; देशमुख हत्या प्रकरणातील आरोपींना फाशीची शिक्षा देण्याची मागणी

नाशिकमध्ये येणाऱ्या पीयूष गोयल यांना कांदा निर्यात शुल्क हटविण्यासाठी साकडे

केदार शिंदे दिग्दर्शित ‘झापुक झुपूक’ चित्रपटाचा मुहूर्त पार पडला, सूरज चव्हाणसह मालिकाविश्वातील ‘हे’ लोकप्रिय चेहरे झळकणार

हयगय न करता करचोरी, गळती रोखा; उपमुख्यमंत्री अजित पवार यांचे वरिष्ठ अधिकाऱ्यांना निर्देश

लोकमानस: राज्यात आरोग्यव्यवस्थेकडे दुर्लक्षच होणार?

Ajit Pawar : “अरे गप्प बसा ना बाबा”, खाते वाटपाबाबत प्रश्न विचारताच अजित पवार संतापले

स्वाती मालिवाल यांनी एक्सवरील पोस्टमध्ये म्हटले, ‘आप’च्या एका मोठ्या नेत्याने मला फोन करून पक्षात चाललेल्या चर्चेची माहिती दिली. मला शांत करण्यासाठी माझे फोटो लीक करण्यास सांगितले आहे. जे मला पाठिंबा देतील, त्यांना पक्षातून काढून टाकले जाईल, असे धमकावले जात आहे. काहींना पत्रकार परिषद घेण्याची तर काहींना सोशल मीडियावर पोस्ट लिहिण्याची जबाबदारी मिळाली आहे. अमेरिकेतील स्वयंसेवकांकडून काही माहिती काढून घेण्याची जबाबदारी देण्यात आली आहे. तसेच आरोपीच्या जवळच्या पत्रकारांना माझ्यावर एका व्हिडीओ बनविण्यास सांगितले आहे.

स्वाती मालिवाल पुढे म्हणाल्या की, तुम्ही हजारोंची फौज जरी माझ्या विरोधात उभी केली तरी मी एकटी सर्वांशी लढेल. कारण माझी बाजू सत्याची आहे. पक्षातील इतर नेत्यांबाबत माझी नाराजी नाही. आरोपी खूपच शक्तीशाली माणूस आहे. पक्षातला मोठ्यातला मोठा नेताही त्याला घाबरतो. त्याच्याविरोधात जाण्याची कुणाचीही हिमंत नाही. त्यामुळे माझी कुणाकडूनही अपेक्षा नाही. फक्त दुःख या गोष्टीचे वाटते की, दिल्लीची एक महिला मंत्री आपल्या सहकारी महिलेची पत्रकार परिषदेत चारित्रहनन करत आहे. मी माझ्या स्वाभिमानाची लढाई लढत असून न्याय मिळेपर्यंत मी लढत राहिल.