“डीपफेकमुळे समाजात अराजकता निर्माण होईल”, पंतप्रधानांचं विधान; गरबा व्हिडीओप्रकरणीही केलं भाष्य!

पंतप्रधान नरेंद्र मोदी आज भाजपाच्या दिल्लीतील मुख्यालयात दिवाळी मिलन कार्यक्रमात पत्रकारांशी बोलत होते. ते म्हणाले की, डीपफेक हा सध्या भारतीय व्यवस्थेला भेडसावत असलेल्या सर्वात मोठ्या धोक्यांपैकी एक आहे. यामुळे समाजात अराजकता निर्माण होऊ शकते. वाढत्या समस्येबद्दल लोकांना शिक्षित करण्याचे आवाहनही पंतप्रधानांनी माध्यमांना केले. “डीपफेकसाठी कृत्रिम बुद्धिमत्तेच्या गैरवापराच्या बाबतीत नागरिक आणि प्रसारमाध्यम दोघांनीही सतर्क राहण्याची गरज आहे”, असंही मोदी म्हणाले.

आणखी वाचा

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

Nana Patole : निकालाआधी राजकीय घडामोडींना वेग; यातच…

“आरएसएससुद्धा धार्मिक संघटना, मग त्यांनी…”; देवेंद्र फडणवीसांच्या टीकेला नाना पटोले यांचे प्रत्युत्तर!

दिग्दर्शकाने अर्ध्यावर सोडली साथ; फ्लॉप झाला बिग बजेट सिनेमा, बोनी कपूर यांना कर्ज फेडायला लागली होती ‘इतकी’ वर्षे

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

लोकमानस: धोरणांचा प्रचार झालाच नाही

“देवेंद्र फडणवीसांविरोधात आता खटला भरला पाहिजे, त्यांनी राज्यातील…”; छगन भुजबळांच्या ‘त्या’ दाव्यावरून सुप्रिया सुळेंचा हल्लाबोल!

‘प्रमोद महाजनांच्या हत्येमागे गुप्त हेतू’; पूनम महाजन म्हणाल्या, “आता अमित शाह आणि देवेंद्र फडणवीसांना…”

पंतप्रधान नरेंद्र मोदी यांचा गरबा खेळतानाचाही एक व्हिडीओ व्हायरल झाला होता. याबाबत त्यांनी खुलासा केला. ते म्हणाले की, मी लहानपणापासून गरबा खेळलेलो नाही”. दरम्यान, व्हायरल व्हिडिओमध्ये पंतप्रधानांसारखा दिसणारा एक पुरुष काही महिलांसोबत डान्स करताना दिसत आहे. फॅक्ट चेकनुसार, असे आढळून आले आहे की व्हिडिओमध्ये डीपफेकचा वापर झालेला नसून ती व्यक्ती प्रत्यक्षात पंतप्रधानांसारखीच दिसणारी असून त्यांचं नाव विकास महंते आहे. ते एक अभिनेते आहेत.

हेही वाचा >> पंतप्रधान नरेंद्र मोदींचा गरबा डान्स पाहिलात का? ‘या’ व्यक्ती मुळे होतोय पाहणाऱ्यांचा गोंधळ, खरं आलं समोर

पंतप्रधान नरेंद्र मोदींचा व्हायरल झालेल्या व्हिडिओचे बॅकग्राउंड आणि डान्सर्सचे आउटफिट व्हायरल झालेल्या व्हिडिओप्रमाणेच होते. यासंदर्भात Artist’s manager या Instagram प्रोफाइल ला संपर्क केला जे विकास महंते यांचे प्रोफाइल मॅनेज करते. त्यांनी पुष्टी केली की व्हायरल व्हिडिओमधील व्यक्ती प्रत्यक्षात विकास महंते आहे, जे हुबेहुब पंतप्रधान नरेंद्र मोदींसारखा दिसतात.