गुजरात निवडणुकीपूर्वी पंतप्रधान मोदींनी घेतली आईची भेट, आशीर्वाद घेतले

उद्या पंतप्रधान नरेंद्र मोदी गुजरात विधासनभेसाठी अहमदाबाद येथे मतदान करणार आहे. त्याआधी पंतप्रधान मोदी यांनी आई हिराबेन मोदी यांची भेट घेतली. पंतप्रधानांनी आईबरोबर चहा पीत गप्पाही मारल्या. त्यानंतर आईचे आशीर्वाद घेत पंतप्रधान आपल्या पुढील नियोजित कार्यक्रमासाठी रवाना झाले.

Photos: आजचा दिवस पंतप्रधान मोदींसाठी फारच खास… आईच्या पायाशी जाऊन बसले; फोटो शेअर करत म्हणाले, “आज मी…”

जून महिन्यात पंतप्रधान मोदी यांच्या आई हिराबेन यांनी १०० व्या वर्षात पदार्पण केलं होतं. तेव्हा पंतप्रधान आईला भेटण्यास गुजरातला आले होतं. त्यापूर्वी, पंजाब, उत्तरप्रदेश, गोवा विधानसभा निवडणुकीवेळी पंतप्रधान मोदी यांनी आईची भेट घेतली होती.

दरम्यान, पंतप्रधान मोदी यांनी गुरूवारी आयोजित करण्यात आलेल्या रोड शो उपस्थिती लावली. या रोड शोला किमान १० लाख लोकांनी हजेरी लावल्याची माहिती मिळत आहे. ५० किलोमीटर असलेला हा रोड शो १४ विधासनभा मतदारसंघातून गेला होता. १० लाख उपस्थितीसह हा देशातील सर्वात मोठा रोड शो असल्याचं सांगितलं जात आहे.