शर्मिष्ठा मुखर्जी म्हणाल्या अखेर ज्याची भिती होती तेच घडलं!

खरंतर त्यावेळी प्रणव मुखर्जी उभे राहून समोर पाहत होते. कुठलाही प्रणाम त्यांनी केला नाही. पण काही खोडकर प्रवृत्तीच्या लोकांनी मूळ फोटो मॉर्फ करुन प्रणव मुखर्जींच्या डोक्यावर काळी टोपी आणि त्यांना प्रणाम करताना दाखवले आहे. या मॉर्फ फोटोसाठी प्रणव मुखर्जी यांच्या कन्या शर्मिष्ठा मुखर्जी यांनी भाजपा आणि आरएसएसला जबाबदार धरले आहे.

मला याच गोष्टीची भिती वाटत होती म्हणून मी आरएसएसच्या कार्यक्रमाला जाण्याआधी वडिलांना याच गोष्टीसाठी सावध केले होते. कार्यक्रम संपून काही तास होत नाही तोच भाजपा/आरएसएसच्या डर्टी ट्रीक्स डिपार्टमेन्टने आपले काम चालू केले आहे असे शर्मिष्ठा यांनी आपल्या टि्वटमध्ये म्हटले आहे.

See, this is exactly what I was fearing & warned my father about. Not even few hours have passed, but BJP/RSS dirty tricks dept is at work in full swing! https://t.co/dII3nBSxb6

— Sharmistha Mukherjee (@Sharmistha_GK) June 7, 2018

शर्मिष्ठा मुखर्जी यांना प्रणव मुखर्जींचा निर्णय पटला नव्हता. तुम्ही भाजपवाल्यांना खोट्या बातम्या आणि अफवा पसरवण्याची संधी देत आहात असं शर्मिष्ठा मुखर्जी यांनी म्हटलं होतं. तुमचं भाषण विसरलं जाईल, फक्त व्हिजुअल्स राहितील. खोटी वक्तव्यं जोडून तुमचे व्हिजुअल्स परसवले जातील’, असे शर्मिष्ठा मुखर्जी यांनी म्हटले होते.