जानेवारीपासून सिलिंडरच्या किमतीत १६५ रुपयांनी वाढ

नव्या दरवाढीमुळे, १४.५ किलोग्रॅम वजनाच्या अनुदानित सिलिंडरची किंमत मुंबईत ८५९.५०, तर दिल्लीत ८५९ रुपये होईल. कोलकाता व चेन्नईत याच किमती अनुक्रमे ८८६ रुपये व ८७५.५० रुपये होतील.

याआधी १ जुलैला सिलिंडरच्या किमतीत २५.५० रुपयांनी वाढ करण्यात आली होती. १ ऑगस्टला संसदेचे अधिवेशन सुरू असल्याने, विरोधकांचा रोष टाळण्यासाठी गॅस सिलिंडरच्या किमती वाढवण्यात आल्या नाहीत, असे सूत्रांनी सांगितले. अनुदानित गॅस सिलिंडरच्या किमतीतील या ताज्या वाढीमुळे, १ जानेवारीपासून सिलिंडर एकूण १६५ रुपयांनी महाग झाला आहे. घरगुती गॅसच्या किमती दर महिन्यात वाढवून सरकारने त्यावरील अनुदान समाप्त केले. त्यामुळे करोनाकाळात उत्पन्न घटले असताना सामान्यांना महागाईची मोठी झळ बसत आहे.