गेल्या काही महिन्यंपासून देशाच्या राजधानीत अर्थात दिल्लीत देशासाठी अनेक पदकं मिळवून देणारे कुस्तीपटू आंदोलन करत आहेत. कुस्ती महासंघाचे अध्यक्ष ब्रिजभूषण सिंह यांच्याविरोधात काही महिला कुस्तीपटूंनी लैंगिक छळाचे आरोप केले आहेत. या गंभीर आरोपांनंतर ब्रिजभूषण यांच्याविरोधात गुन्हाही दाखल करण्यात आला आहे. मात्र, त्यांच्यावर कठोर कारवाईची मागणी करण्यासाठी हे आंदोलक अजूनही आंदोलनावर ठाम असून पाच दिवसांपूर्वी त्यांनी सरकारला अल्टिमेटम देत आपली सर्व पदकं गंगेत विसर्जित करण्याचा इशारा दिला होता. आज त्यांचा अल्टिमेटम संपत असून त्या पार्श्वभूमीवर आंदोलक कुस्तीपटूंची अमित शाह यांच्याशी बैठक झाल्याची माहिती समोर आली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दोन तास चालली बैठक!

बजरंग पुनिया आणि साक्षी मलिक यांच्यासह काही प्रशिक्षकांच्या शिष्टमंडळानं काल मध्यरात्री केंद्रीय गृहमंत्री अमित शाह यांची भेट घेतली. ही बैठक तब्बल दोन तास चालली. या बैठकीमध्ये नेमकं काय ठरलं? यासंदर्भात कोणतीही अधिकृत माहिती मिळू शकली नाही. ‘इंडियन एक्स्प्रेस’शी बोलताना पदकविजेता कुस्तीपटू बजरंग पुनिया यानं “आमची केंद्रीय गृहमंत्र्यांशी बैठक झाली. याहून जास्त माहिती मी देऊ शकत नाही”, अशी माहिती दिली. त्यामुळे आता या बैठकीत नेमकं काय घडलं? याविषयी तर्क-वितर्क सुरू असून आज अल्टिमेटम संपत असल्यामुळे कुस्तीपटू नेमकी कोणती भूमिका घेणार? याकडे सगळ्यांचं लक्ष लागलं आहे.

आणखी वाचा

बजरंग पुनिया, साक्षी मलिक आणि विनेश फोगाट हे तिघे हे आंदोलन सुरू झाल्यापासून आंदोलनाच्या अग्रस्थानी आहेत. त्यांच्यासह अनेक कुस्तीपटू आणि प्रशिक्षकही आंदोलनात दिसत आहेत. कुस्तीपटूंच्या तक्रारीनंतर ब्रिजभूषण यांच्यावर गुन्हा दाखल करण्यात आला असला, तरी त्यांना अटक करण्याच्या मागणीसाठी कुस्तीपटूंनी आंदोलनाची भूमिका कायम ठेवली आहे.

ब्रिजभूषण यांच्यावरील गुन्ह्यात नेमकं काय?

ब्रिजभूषण सिंह यांच्यावर दोन गुन्हे दिल्ली पोलिसांनी दाखल केले आहेत. त्यामध्ये, नोकरीच्या बदल्यात लैंगिक सुखाची मागणी करण्याची दोन प्रकरणं, लैंगिक छळाची १० प्रकरणं, विनयभंग, लैंगिक हेतूने रोखून पाहाणं अशा आरोपांचा समावेश आहे.

दोन तास चालली बैठक!

बजरंग पुनिया आणि साक्षी मलिक यांच्यासह काही प्रशिक्षकांच्या शिष्टमंडळानं काल मध्यरात्री केंद्रीय गृहमंत्री अमित शाह यांची भेट घेतली. ही बैठक तब्बल दोन तास चालली. या बैठकीमध्ये नेमकं काय ठरलं? यासंदर्भात कोणतीही अधिकृत माहिती मिळू शकली नाही. ‘इंडियन एक्स्प्रेस’शी बोलताना पदकविजेता कुस्तीपटू बजरंग पुनिया यानं “आमची केंद्रीय गृहमंत्र्यांशी बैठक झाली. याहून जास्त माहिती मी देऊ शकत नाही”, अशी माहिती दिली. त्यामुळे आता या बैठकीत नेमकं काय घडलं? याविषयी तर्क-वितर्क सुरू असून आज अल्टिमेटम संपत असल्यामुळे कुस्तीपटू नेमकी कोणती भूमिका घेणार? याकडे सगळ्यांचं लक्ष लागलं आहे.

आणखी वाचा

बजरंग पुनिया, साक्षी मलिक आणि विनेश फोगाट हे तिघे हे आंदोलन सुरू झाल्यापासून आंदोलनाच्या अग्रस्थानी आहेत. त्यांच्यासह अनेक कुस्तीपटू आणि प्रशिक्षकही आंदोलनात दिसत आहेत. कुस्तीपटूंच्या तक्रारीनंतर ब्रिजभूषण यांच्यावर गुन्हा दाखल करण्यात आला असला, तरी त्यांना अटक करण्याच्या मागणीसाठी कुस्तीपटूंनी आंदोलनाची भूमिका कायम ठेवली आहे.

ब्रिजभूषण यांच्यावरील गुन्ह्यात नेमकं काय?

ब्रिजभूषण सिंह यांच्यावर दोन गुन्हे दिल्ली पोलिसांनी दाखल केले आहेत. त्यामध्ये, नोकरीच्या बदल्यात लैंगिक सुखाची मागणी करण्याची दोन प्रकरणं, लैंगिक छळाची १० प्रकरणं, विनयभंग, लैंगिक हेतूने रोखून पाहाणं अशा आरोपांचा समावेश आहे.