Rahul Gandhi Reaction on Priyanaka Gandhi First Speech : केरळ लोकसभा पोटनिवडणुकीत मोठा विजय मिळवत काँग्रेस नेत्या प्रियांका गांधी आता थटे संसदेत पोहोचल्या आहेत. संसदेबाहेर प्रचारसभा गाजवणाऱ्या प्रियांका गांधी यांनी आता संसदही गाजवली. त्यांच्या संसदेतील पहिल्याच भाषणाची आज जोरदार चर्चा आहे. संसदेतील रखडलेल्या चर्चेच्या मुद्द्यावरून केंद्र सरकार आणि पंतप्रधान नरेंद्र मोदी यांच्यावर सडकून टीका केली.दरम्यान, त्यांच्या भाषणाचं राहुल गांधी यांनी तोंडभरून कौतुक केलंय.
पीटीआयला दिलेल्या मुलाखतीत राहुल गांधी म्हणाले, “प्रियांका गांधींनी खूप चांगले भाषण केले. अप्रतिम भाषण दिलं. माझ्या पहिल्या भाषणापेक्षा चांगलं भाषण तिने केलं असं आपण म्हणुया.”
VIDEO | "It was a very good speech… wonderful speech. Better than my maiden speech, let's put it like that," says Leader of Opposition in Lok Sabha Rahul Gandhi (@RahulGandhi) on Priyanka Gandhi's speech during debate on Constitution in Lok Sabha.#ParliamentWinterSession2024… pic.twitter.com/GnvbiFInU9
— Press Trust of India (@PTI_News) December 13, 2024
प्रियांका गांधी भाषणात काय म्हणाल्या?
देशातील राजकीय आणि सामाजिक स्थितीवर बोलताना आपल्या भाषणात प्रियांका गांधी म्हणाल्या की, आज जनतेला खरे बोलण्यापासून घाबरवले, धमकावले जात आहे. पत्रकार, विरोधी पक्षाचा नेता असो की एखाद्या विद्यापीठाचे प्राध्यापक, विद्यार्थी-कामगार संघटनांना गप्प बसवले जात आहे. कोणावर ईडी तर कोणावर सीबीआय यांच्या माध्यामातून खोट्या केसेस दाखल करून त्यांना तुरूंगात टाकले जाते. विरोधकांना तुरूंगात टाकून त्रास दिला जात आहे. या सरकारने कोणाला सोडले नाही. यांनी देशातील वातावरण भीतीने भरून टाकले आहे. यांची मिडियाची मशीन खोटी माहिती पसरवते आणि वेगवेगळे आरोप करते. पण कदाचित ती देखील भीतीखालीच जगत आहेत.”
ॉ
प्रियांका गांधींनी सत्ताधाऱ्यांमध्ये चर्चा करण्याची हिंमत नसल्याचा दावा केला आहे. देशातील परिस्थिती गंभीर असल्याचे सांगत त्या म्हणाल्या की, “मी आठवण करून देऊ इच्छिते की असे वातावरण देशात इंग्रजांच्या काळात होते. जेव्हा या बाजूला बसलेले गांधींच्या विचारधारेचे लोक स्वातंत्र्याची लढाई लढत होते आणि त्या बाजूच्या विचारधारेचे लोक भीतीमध्ये राहून इंग्रजांबरोबर हा‍तमिळवणी करत होते. पण भीतीचा देखील आपला एक स्वभाव असतो, भीती पसरवणारे देखील स्वत: भीतीचे लक्ष्य ठरतात. हा निसर्गाचा नियम आहे. हे भीती पसरवण्याची यांना इतकी सवय झाली आहे की तेच भीतीच्या सावटाखाली राहत आहेत. हे (सत्ताधारी) चर्चेला आणि टीकेला घाबरतात. आम्ही किती दिवसांनी चर्चा करण्याची मागणी करत आहोत, पण यांच्यात चर्चा करण्याची हिंमतच नाही”.
