ओम बिर्लांचं अभिनंदन करताना राहुल गांधींची टोलेबाजी; म्हणाले, “संख्याबळ तुमच्याकडे आहे पण..”

राहुल गांधी आणि पंतप्रधान मोदींचं हस्तांदोलन

राहुल गांधी यांनी लोकसभा अध्यक्षपदी निवड झाल्यावर ओम बिर्ला यांचं अभिनंदन केले. त्यांना त्यांच्या आसन व्यवस्थेपर्यंत नेण्यासाठी पंतप्रधान नरेंद्र मोदी, राहुल गांधी आणि संसदीय कार्यमंत्री रिजिजू गेले होते. यावेळी राहुल गांधी यांनी ओम बिर्ला यांचे अभिनंदन केले. त्यानंतर त्यांनी पंतप्रधान नरेंद्र मोदी यांच्याशी हस्तांदोलन केले. दोन्ही नेत्यांनी लोकसभा निवडणूक काळात एकमेकांवर तुफान हल्लाबोल केला होता. राहुल गांधींचा उल्लेख मोदींना ‘शहजादा’ असा केला होता. तर पंतप्रधान मोदी हे तिरस्कार पसरवत आहेत, आमची लढाई विचारधारांची आहे असं राहुल गांधी म्हणाले होते. याशिवाय इतर आरोप-प्रत्यारोपांचं राजकारणही रंगलं होतं. आज लोकसभेत बोलताना राहुल गांधींनी विरोधकांचा आवाज दाबता येणार नाही असं म्हटलं आहे.

आणखी वाचा

“पंतप्रधान मोदींना स्मृतीभ्रंश झालाय, ते आजकाल…”; अमरावतीतल्या सभेतून राहुल गांधींचा हल्लाबोल!

Nana Patole : निकालाआधी राजकीय घडामोडींना वेग; यातच…

Narendra Modi : “आम्ही बाळासाहेबांचं स्वप्न पूर्ण केलं”, पंतप्रधान मोदींचं छ. संभाजीनगरमध्ये वक्तव्य; काँग्रेसवर टीका करत म्हणाले…

Rahul Gandhi : “आदिवासी अधिकाऱ्याला मागे बसवलं जातं अन्…”, नंदूरबारमध्ये राहुल गांधींचा मोठा दावा!

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

“आजकाल भाषण करतांना काळजी घ्यावी लागते” सुप्रिया सुळे असं का म्हणाल्या?

Sanjay Raut : “काँग्रेस आणि शरद पवारांच्या राष्ट्रवादीचं बाळासाहेबांवर अधिक प्रेम आणि..”, संजय राऊत काय म्हणाले?

हे पण वाचा- “हा तर फक्त ट्रेलर…”, राहुल गांधी – नरेंद्र मोदींचा ‘तो’ फोटो पोस्ट करून संजय राऊतांचा इशारा; म्हणाले…

काय म्हणाले राहुल गांधी?

ओम बिर्ला यांची लोकसभेच्या अध्यक्षपदी निवड झाली. त्याबद्दल मी त्यांचं अभिनंदन करतो. आज सरकारकडे बहुमत आहे, संख्याबळ आहे. पण विरोधक अर्थात इंडिया आघाडीही जनतेचा आवाज आहे. संख्याबळावर विरोधकांचा आवाज दाबता येणार नाही. मला आशा आहे की लोकसभा अध्यक्ष जनतेचा आवाज लोकसभेत उठवू देतील. विरोधकांचा आवाज दाबणं हे लोकशाही विरोधी आहे. त्यांना गप्प बसवून संसद चालवता येणार नाही. विरोधक सरकारला सहकार्य करायला तयार आहे मात्र आम्हाला बोलण्याची संधी, आमची बाजू मांडण्याची संधी मिळायला हवी. या आशायचं वक्तव्य राहुल गांधींनी केलं.

लोकसभा निवडणुकीत इंडिया आघाडीने मिळवलं चांगलं यश

लोकसभा निवडणुकीत इंडिया आघाडीने २३० हून अधिक जागा मिळवत भाजपाला टक्कर दिली. काँग्रेसला ९९ खासदार निवडून आणता आले. या लोकसभा निवडणुकीने इंडिया आघाडीला हरवलेला आत्मविश्वास पुन्हा प्राप्त करुन दिला आहे. मागच्या दोन निवडणुकांमध्ये भाजपाल संख्याबळ गाठता आलं होतं. या निवडणुकीत भाजपाला २४० जागा मिळाल्या आहेत. तर एनडीएसह भाजपाने २९४ जागांवर विजय मिळवला आहे. त्यामुळे नरेंद्र मोदी तिसऱ्यांदा पंतप्रधान होऊ शकले आहेत. मात्र विरोधकांनी मारलेली मुसंडी चर्चेत आहे. तसंच अधिवेशनात अनेक मुद्द्यांवर सत्ताधारी विरुद्ध विरोधक असा सामना बघायला मिळेल यात शंका नाही. राहुल गांधींचं हे वक्तव्य त्याचीच झलक दाखवणारं ठरलं आहे.