“लिहून घ्या! आता मोदी सरकार येणार नाही..”, राहुल गांधींना दिलेल्या मुलाखतीत सत्यपाल मलिक काय म्हणाले?

जम्मू काश्मीरबाबत काय म्हणाले सत्यपाल मलिक?

जम्मू काश्मीरचे लोक हे प्रेमळ आहेत. तुम्ही तिथल्या लोकांवर सक्तीने कुठलाही निर्णय लादू शकत नाही. लष्कराच्या हाती त्यांचे प्रश्न देऊन तिथले प्रश्न सुटणार नाहीत. त्याउलट तुम्ही (सरकारने) त्यांची मनं जिंकली तर जम्मू काश्मीरचे लोक तुमच्यावर विश्वास ठेवतील. जेव्हा मी राज्यपाल होतो मी त्यांचा विश्वास संपादन केला होता. असं सत्यपाल मलिक यांनी म्हटलं आहे. मोदी सरकारने अनुच्छेद ३७० रद्द करुन हे राज्य केंद्रशासित केलं. त्यांना वाटलं होतं की पोलीस बंड करतील. मात्र जम्मू काश्मीरच्या पोलिसांनी केंद्र सरकारची साथ दिली. केंद्रीय गृहमंत्री अमित शाह यांनी आश्वासन दिलं आहे की ते लवकरच जम्मू काश्मीरला राज्याचा दर्जा देतील. तसं करायचं असेल तर सरकारने तिकडे निवडणूक घेतली पाहिजे असंही मलिक म्हणाले.

आणखी वाचा

“देवेंद्र फडणवीस मुख्यमंत्री होतात तेव्हा जातीय तणाव निर्माण करण्याचं षड्यंत्र…”- अमर साबळे

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

मोदी-अदाणीविरोधात काँग्रेस आक्रमक; राहुल गांधींच्या अनोख्य आंदोलनाने वेधले लक्ष

Indira Gandhi: “इंदिरा गांधींना आणीबाणीचा पश्चात्ताप होत होता”, नजमा हेपतुल्ला यांचा आत्मचरित्रात दावा; विश्वासू व्यक्तींबाबतही होती तक्रार!

Uday Samant : “शरद पवारांचं इंडिया आघाडीबाबतचं ‘ते’ वक्तव्य म्हणजे काँग्रेसचा अपमान, राहुल गांधीचं नेतृत्व..” उदय सामंत काय म्हणाले?

No Confidence Motion : भारताच्या संसदीय इतिहासातील सर्वात मोठी घटना, राज्यसभा सभापतींच्या विरोधात अविश्वास प्रस्ताव

Nana Patole : नाना पटोलेंचं वक्तव्य; “राहुल नार्वेकर यांचं अभिनंदन, मात्र २०८ मतांनी मी निवडून आलो म्हणून टिंगल..”

Devendra Fadnavis : “राहुल नार्वेकर पुन्हा येईन म्हणाले नव्हते तरीही पुन्हा आले..”, देवेंद्र फडणवीस यांचं खुमासदार भाषण

RSS बाबत काय म्हणाले सत्यपाल मलिक?

RSS च्या विचारधारेबाबत काय वाटतं? मला वाटतं की भारताच्या राजकारणात दोन विचारधारा आहेत. एक गांधी विचारधारा आणि दुसरी RSS ची विचारधारा. एक अहिंसा आणि बंधुभाव सांगणारी विचारधारा आहे. तर दुसरी विचारधारा हिंसेवर आणि तिरस्कारावर बेतलेली आहे. तुमचं मत काय? असं राहुल गांधींनी विचारलं. त्यानंतर मलिक म्हणाले, “माझा विचार असा आहे की देशाला आता लिबरल हिंदुत्वाची गरज आहे आणि तो दृष्टीकोन महात्मा गांधींचा होता. त्यासाठी त्यांनी खेड्याकडे चला हा मंत्रही दिला होता. जर आपला देश या विचारधारेवर चालला तरच व्यवस्थित गोष्टी पुढेही घडतील. अन्यथा देशाचे आणखी तुकडे होण्याची भीती नाकारता येत नाही. महात्मा गांधींचा विचार हा देश जोडणारा आणि बंधुभाव जपणारा विचार होता. आज त्याच विचाराची गरज देशाला आहे.” असं सत्यपाल मलिक यांनी म्हटलं आहे.