Bharat Nyay Yatra : राहुल गांधी काढणार मणिपूर ते मुंबई पदयात्रा, भारत जोडोपेक्षाही जास्त किलोमीटरचा टप्पा करणार पार

राहुल गांधींच्या भारत न्याय यात्रेत १४ राज्यांमधील तब्बल ८५ जिल्ह्यांचा समावेश केला जाणार आहे. हा मोर्चा मणिपूर, नागालँड, आसाम, मेघालय, पश्चिम बंगाल, बिहार, झारखंड, ओडिशा, उत्तर प्रदेश, मध्य प्रदेश, छत्तीसगड, राजस्थान, गुजरात आणि महाराष्ट्रात असा ६ हजार २०० किलोमीटरचा प्रवास करेल. काँग्रेसचे प्रमुख मल्लिकार्जुन खर्गे १४ जानेवारीला मणिपूरमधून या यात्रेला सुरुवात करतील. भारत जोडो यात्रेने ४ हजार ५०० किलोमीटर प्रवास केला होता.

आणखी वाचा

प्रियंका गांधी यांची प्रतीक्षाच, पण बघ्यांची मोठी गर्दी

महायुतीला सत्ता मिळाली, लाडक्या बहिणींना २१०० रुपये कधीपासून…

प्रियंका गांधींचा आज नागपुरात या दोन ठिकाणी ‘रोड-शो’

“पंतप्रधान मोदींना स्मृतीभ्रंश झालाय, ते आजकाल…”; अमरावतीतल्या सभेतून राहुल गांधींचा हल्लाबोल!

‘लाडक्या बहिणींना रक्कम नियमित मिळणार का? कारण मध्य प्रदेशात…’

नव्या वर्षात कोकण मार्गावरील रेल्वेगाडीला एलएचबी डबे जोडणार

सातारा: राहुल गांधी यांच्याकडून शिवाजी महाराजांची बदनामी; उदयनराजे यांचा हल्लाबोल

या यात्रेत जास्तीत जास्त लोकांनी सहभाग घ्यावा याकरता बसची सुविधा करण्यात आली आहे. तसंच, पायी पदयात्राही होणार आहे. काँग्रेसचे सरचिटणीस केसी वेणुगोपाल यांनी बुधवारी पत्रकार परिषदेत ही घोषणा केली. दक्षिणेतील कन्याकुमारी येथून सुरू झालेल्या आणि उत्तरेकडील काश्मीरमध्ये संपलेल्या भारत जोडो यात्रेला त्यांनी “ऐतिहासिक यात्रा” म्हटलं आहे.

भारत जोडो यात्रेतून अनुभव घेत राहुल गांधी आता तरुण, महिला आणि उपेक्षित लोकांशी संवाद साधणार आहेत, असं केसी वेणुगोपाल म्हणाले. भारत न्याय यात्रेची घोषणा २०२४ च्या लोकसभा निवडणुकीच्या अगोदर आली आहे, ज्यामध्ये काँग्रेस आणि त्याचे भारत ब्लॉक सदस्य भाजपचा पाडाव करण्याच्या प्रयत्नात आहेत.