मोठाल्या खिडक्या आणि आरामदायी खुर्च्या, रेल्वेमंत्र्यांनी ट्वीट केला ‘हा’ प्रशस्त रेल्वे डबा; ओळखा पाहू कोणत्या मार्गावर धावेल ही ट्रेन

केंद्रीय रेल्वेमंत्री आश्विनी वैष्णव यांनी ट्रेनच्या एका डब्याचा फोटो शेअर केला आहे. निर्मिती प्रक्रियेत असलेली ही ट्रेन कोणती? असा प्रश्न त्यांनी विचारला आहे. तसंच, “जॅक अॅण्ड जिल टेकडीवर गेला” अशी हिंटही त्यांनी दिली आहे. या फोटोवरून खरंतर अंदाज लावणं कठीण आहे. परंतु, आपल्या नेटिझन्सने अनेक अंदाज लावले आहेत. कपूरथला येथील रेल कोच फॅक्टरी (RCF) ने कालका-शिमला हेरिटेज ट्रॅकसाठी काचेचे छप्पर आणि मोठ्या खिडक्या असलेले चार विस्टाडोम नॅरोगेज डबे आणले आहेत. त्यानंतर आश्विनी वैष्णव यांनी हे ट्वीट केलं.

आणखी वाचा

कोल्हापुरात स्थिर सर्वेक्षण पथकाला आढळले साडेपाच कोटींचे दागिने

Madhurima Raje : सतेज पाटील ज्यांच्यामुळे ढसाढसा रडले…

भरगच्च ट्रेनमध्ये बसण्यासाठी सीट न मिळाल्याने तरुणाचा ढासू जुगाड, दोरीचा केला असा वापर; VIDEO एकदा पाहाच

Shocking Video: नवऱ्याशी भांडता भांडता महिलेनं ट्रेनमधून घेतली उडी; लेकरांचा भयंकर आक्रोश अन् थरारक प्रकार कॅमेरात कैद

मेट्रोमध्ये तरुण अचानक चक्कर येऊन पडला, शेवटी आईच धावून आली, पाहा Viral Video

दिवा रेल्वे फाटकातील वाहन कोंडीमुळे  लोकल, एक्सप्रेस खोळंबल्या; शिळफाटा वाहन कोंडीत

धक्कादायक! फटाक्यामुळे धावत्या रिक्षाला लागली भररस्त्यात आग, संभाजीनगरचा VIDEO होतोय व्हायरल

VIDEO: मंदिरात किंवा गर्दीच्या ठिकाणी तुमचीही चप्पल चोरीला जाते का? मग हा जुगाड कराच, कधीच चप्पल चोरी होणार नाही

पर्यटनासाठी ही ट्रेन अत्यंत सोयीची असल्याचं प्रथमदर्शनी दिसतंय. फोटोत असलेल्या ट्रेनमधील डब्याला मोठ्या प्रशस्त खिडक्या आहेत. दोन्ही बाजूंना सिंगल सिट्स आहेत. तसंच, खुर्च्यांसमोर एक टेबल आहे. नेटिझन्सनने दिलेल्या उत्तरानुसार ही ट्रेन टॉय ट्रेन असल्याचं म्हटलं जातंय. कालका-शिमला रुटसाठी या ट्रेनची निर्मिती झाली असल्याचंही नेटिझन्स म्हणत आहेत.

आरसीएफचे महाव्यवस्थापक आशेष अग्रवाल यांनी सोमवारी पत्रकार परिषदेत सांगितले की, “सेवेत येण्यापूर्वी या डब्यांची कालका-शिमला मार्गावर चाचणी घेतली जाईल. ट्रेनमध्ये एक AC एक्झिक्युटिव्ह कार (१२ जागा), एक AC चेअर कार (२४ जागा), एक नॉन-AC चेअर कार (३० जागा) आणि पॉवर-कम-लगेज आणि गार्ड कार समाविष्ट असेल. ट्रायल रनसाठी ते कालका रेल्वेकडे सोपवण्यात आले आहेत. या ट्रेनला हिरवा कंदील दाखवण्याकरात रेल्वे प्रशासनाकडून तारीख ठरवली जाणार आहे.

कालका-शिमला जोडणीसाठी ब्रिटिशांनी १९०३ साली पहिला रेल्वे मार्ग तयार केला होता. २००९ मध्ये या मार्गाला युनेस्कोने जागतिक वारसा स्थळ म्हणून घोषित केले. या रेल्वे मार्गावर १०३ बोगदे, ८०० पूल आणि १८ रेल्वे स्थानके आहेत.