‘पद्मावती चित्रपटाला विरोध करण्यापेक्षा राजस्थानी महिलांच्या शिक्षणाकडे लक्ष द्या’

पद्मावती चित्रपट एक डिसेंबर रोजी प्रदर्शित होणार आहे. चित्रपटातील विषयावरून काही संघटना तीव्र विरोध करत आहेत. विशेषत: राजपूत समाजाने हा चित्रपट इतिहासाची मोडतोड करत असून राणी पद्मावतीला चुकीच्या पद्धतीने दाखवण्यात येत असल्याचा आरोप केला आहे. परंतु, भन्साली यांनी मात्र हे सर्व दावे फेटाळले आहेत. दुसरीकडे केंद्रीय सेन्सॉर बोर्डच्या सल्लागार समितीचे सदस्य आणि भाजप नेते अर्जुन गुप्ता यांनी केंद्रीय गृहमंत्री राजनाथ सिंह यांना पत्र लिहून संजय भन्साळी यांना देशद्रोहासाठी शिक्षा केली पाहिजे असे म्हटले आहे.

सर्वोच्च न्यायालयाने चित्रपटावर बंदी घालण्यास नकार दर्शवला आहे. तर अनेक चित्रपट संघटनांनी पद्मावती चित्रपटाला पाठिंबा दिला असून चित्रपटाला विरोध करणाऱ्या राजपूत समाजाविरोधात सरकारच्या मौनावर प्रश्न उपस्थित केले आहेत.