राज्यसभेत सलग दुसऱ्या दिवशी गोंधळ, कामकाज तहकूब; काँग्रेस, भाजपचे आरोप-प्रत्यारोप

दुपारी शून्य तासात नियोजित कामकाज तहकूब करण्याच्या सहा नोटिसा सभापती धनखड यांनी फेटाळल्या. तसेच नोटिशीत नमूद केलेल्या बाबी स्वीकारण्याचे आवाहन विरोधकांना केले. त्यावर अनेक विरोधी सदस्यांनी आक्षेप घेतला. त्यावरून भाजपच्या जे. पी. नड्डा यांनी काँग्रेस अध्यक्ष आणि राज्यसभेतील विरोधी पक्षनेते मल्लिकार्जुन खरगे यांच्यावर पत्रकार परिषद घेऊन धनखड यांच्यावर टिप्पणी केल्याबद्दल टीका केली. अध्यक्षांच्या निर्णयावर प्रश्नचिन्ह किंवा टीका केली जाऊ शकत नाही. असे करणे म्हणजे सभागृहाचा आणि सभापतींचा अवमान आहे,’ असे नड्डा यावेळी म्हणाले.

आणखी वाचा

उदयनराजेंसह वारसांना जमीन महसूल सूट कायम, राज्य शासनाचा निर्णय

Ravindra Chavan : ‘उपरा’ डोंबिवलीकर ते भाजप प्रदेश…

स्वातंत्र्यवीर सावरकर बदनामी प्रकरणात राहुल गांधींना जामीन

Suresh Dhas : ‘पुण्यात ७ दुकानं, १५ कोटींचा संपूर्ण मजला…’, आमदार सुरेश धसांचा ‘आका’कडील संपत्तीबाबत मोठा दावा

राज्यातील सर्व वाहनांना एक एप्रिलपासून FasTag बंधनकारक, महायुती सरकारचा मोठा निर्णय

विश्लेषण : तमिळनाडूत सलग तिसऱ्या वर्षी राज्यपाल रवी यांचा अभिभाषणापूर्वीच सभात्याग, राज्यपालांचे अभिभाषण बंधनकारक असते का?

मुंडेंच्या बंगल्यावर खंडणीसाठी बैठक; भाजप आमदार सुरेश धस यांचा आरोप

“काँग्रेसने सात विधानपरिषदेच्या जागा दिल्या होत्या परंतु, भाजपसोबत बारा वर्षांपासून युती करूनही…”, केंद्रीय मंत्र्यांचे विधान चर्चेत

हेही वाचा : Delhi Election : आता दिल्ली विधानसभेची धूम! काँग्रेसने जाहीर केली २१ उमेदवारांची यादी, अरविंद केजरीवालांसमोर तगडा उमेदवार!

नड्डा यांनी काँग्रेस नेते आणि सोरोस यांच्यातील संबंधाच्या आरोपाचा पुनरुच्चार केला. तसेच ते भारताला अस्थिर करण्यासाठी अब्जावधी डॉलर्सचा पुरवठा करीत असल्याचा आरोप केला. गांधी आणि सोरोस यांच्यात काय संबंध आहेत, हे देशाला जाणून घ्यायचे आहे, असे नड्डा म्हणाले. यामुळे सभागृहात गदारोळ झाला आणि दुपारी २ वाजेपर्यंत कामकाज तहकूब करण्यात आले.

हेही वाचा : अजितदादा सहकुटुंब पवारांच्या भेटीला, वाढदिवसाच्या शुभेच्छा देण्यासाठी नेत्यांची गर्दी

…तर लोकशाहीला धोका : खरगे

राज्यसभेतील विरोधी पक्षनेते मल्लिकार्जुन खरगे यांनी ‘पॉईंट ऑफ ऑर्डर’ मांडण्याचा प्रयत्न केला. सभागृहात बेकायदापद्धतीने आरोप होत आहेत, तुम्ही ते ऐकून सत्ताधाऱ्यांना प्रोत्साहन देत आहात, असे खरगे सभापतींना म्हणाले. ‘लोकशाही दोन चाकांवर चालते, एक विरोधी पक्ष, दुसरा सत्ताधारी पक्ष आणि तुम्ही पंच आहात. परंतु तुम्ही एकतर्फी निर्णय घेत असाल तर देश आणि लोकशाहीला धक्का असल्याचे खरगे यांनी सांगितले. यानंतर झालेल्या गोंधळादरम्यान सभापती धनखड यांनी सभागृहाचे कामकाज दिवसभरासाठी तहकूब केले.