पंतप्रधान नरेंद्र मोदी यांच्या शिस्तीचा बडगा व राज्यमंत्रिपदामुळे काहीही अधिकार नसल्याने केंद्रीय ग्राहक व्यवहार राज्यमंत्री रावसाहेब दानवे  यांनी भाजप प्रदेशाध्यक्षपदासाठी मोर्चेबांधणी केली आहे. पक्षसंघटनेत काम करण्यात स्वारस्य असल्याची भावना दानवे यांनी पक्षश्रेष्ठींना कळवल्याचा दावा सूत्रांनी केला. दानवे यांनी बुधवारी भाजप मुख्यालयात  अमित शहा यांची भेट घेतली.