ईदच्या मिरवणुकीत झालेल्या आत्मघातकी स्फोटामागे ‘रॉ’चा हात? पाकिस्तानचे भारतावर गंभीर आरोप

शुक्रवारी बलुचिस्तानच्या मस्तुंग जिल्ह्यातील मदिना मशिदीजवळ ईदच्या मिरवणुकीत आत्मघातकी स्फोट झाला. या भीषण स्फोटात सुमारे ६० जणांचा मृत्यू झाला तर ६० हून अधिक लोक गंभीर जखमी झाले. पोलिसांच्या वाहनांजवळच हा स्फोट घडला, यामध्ये मालमत्तेचंही प्रचंड नुकसान झालं. या स्फोटानंतर अवघ्या काही तासांत खैबर पख्तूनख्वाच्या हंगू शहरातील एका मशिदीत आणखी एक स्फोट झाला. यामध्ये किमान ५ लोकांचा मृत्यू झाला. तर डझनभर लोक जखमी झाले.

आणखी वाचा

कुवैतहून थेट मध्य प्रदेश गाठलं अन् मुलीवर लैंगिक शोषण करणाऱ्याचा घेतला जीव; मृत्यूचं गुढ उकलायला वडिलांनीच केली मदत!

Madhuri Dixit : डर चित्रपट माधुरी दीक्षितने का…

पुणे: खडकीत दोघा तरुणांवर कोयत्याने वार

सीएसएमटी अपघात : सीसीटीव्हीच्या तपासणीनंतर अखेर अपघातातील आरोपी सापडला

चेंबूरमध्ये पालिकेने खोदलेल्या खड्यात पडून इसमाचा मृत्यू, कंत्राटदाराविरोधात गुन्हा दाखल

थरारक… वायुसेनेच्या जवानाची आत्महत्या, कर्तव्यावर तैनात असताना डोक्यात घातली गोळी अन्…

“मर्द को भी दर्द होता है!” आत्महत्येआधीचा अतुलचा तासभराचा ‘तो’ व्हिडिओ व्हायरल; पत्नी आणि सासरच्यांवर गंभीर आरोप

“न्याय प्रलंबित आहे”, गळ्यात फलक लटकावून तरुणाची आत्महत्या; २४ पानी नोटमुळे पोलिसांसमोर आव्हान वाढले!

या दोन आत्मघातकी स्फोटानंतर पाकिस्तानचे गृहमंत्री सरफराज बुगती यांनी भारतावर गंभीर आरोप केला. त्यांनी या आत्मघातकी स्फोटामागे भारताची गुप्तचर संस्था ‘रिसर्च अँड अॅनालिसिस विंग’ अर्थात ‘रॉ’चा हात असल्याचा दावा केला. याबाबतचं वृत्त ‘इंडिया टुडे’नं दिलं आहे.

हेही वाचा- पाकिस्तानात ईदच्या मिरवणुकीत आत्मघातकी स्फोट; ५२ जणांचा मृत्यू, रस्त्यावर मृतदेहांचा खच, VIDEO आला समोर

“मस्तुंग येथील आत्मघातकी बॉम्बस्फोटात सामील असलेल्या घटकांना पाकिस्तानी लष्कर आणि इतर सर्व संस्थांकडून जशास तसं उत्तर दिलं जाईल. या हल्लात RAW सामील आहे,” असं पाकिस्तानचे गृहमंत्री म्हणाले. शनिवारी पाकिस्तानच्या दहशतवादविरोधी विभागाने (सीटीडी) अज्ञात हल्लेखोरांविरुद्ध गुन्हा दाखल केला आहे. या घटनेचा तपास सुरू असून अद्याप कोणालाही अटक करण्यात आली नाही, अशी माहिती सीटीडीने दिली.