भारताचा ६८ वा प्रजासत्ताक दिन मोठ्या उत्साहात दिल्लीतील राजपथावर संपन्न झाला. यावेळी भारतीय सैन्य जगाला आपल्या सामर्थ्याचे दर्शन घडवले. शिस्तबद्ध संचलन आणि श्वास रोखायला लावून धरायला लावणाऱ्या प्रात्यक्षिकांनी उपस्थितांच्या डोळ्यांचे पारणे फेडले. यासोबतच राज्य सरकार आणि केंद्राचे विविध चित्ररथदेखील उपस्थितांच्या आकर्षणाचे केंद्रबिंदू होते.
अबूधाबीचे राजपुत्र शेख मोहम्मद बिन झायेद अल नाह्यान राजपथावरील प्रजासत्ताक दिनाच्या सोहळ्याचे प्रमुख पाहुणे होते. राजपुत्र शेख मोहम्मद बिन झायेद अल नाह्यान यांचे पंतप्रधान नरेंद्र मोदी आणि राष्ट्रपती प्रणव मुखर्जी यांनी राजपथावर स्वागत केले.
संयुक्त अरब अमिरातीच्या १७९ सैनिकांनी केलेले संचन हे यंदाच्या राजपथावरील प्रजासत्ताक दिनाच्या सोहळ्याचे वैशिष्ट्य होते. यासोबतच नॅशनल सिक्युरिटी गार्डच्या कमांडोंनी पहिल्यांदाच राजपथावर संचलन करत सर्वांचे लक्ष वेधून घेतले. नॅशनल सिक्युरिटी गार्डचे कमांडो अर्थात ब्लॅक कॅट्सचे संचलन अत्यंत दिमाखदार होते.
Live Updates
३ सुखोई विमानांची आकाशात भरारी
५ मिग-२९ विमानांचे प्रात्यक्षिक
जॅग्वार विमानांची वेगवान भरारी
तीन तेजस विमानांचे ताशी ७८० किलोमीटर वेगाने प्रात्यक्षिक
सी-१७ ग्लोबमास्टर विमानाचे प्रात्यक्षिक
हवाई दलाच्या मिग विमानांची भरारी
जवानांच्या मोटारसायकलवर चित्तथरारक कसरती
नृत्यांच्या माध्यमातून देशाच्या सांस्कृतिक वैविध्यतेचे राजपथावर दर्शन
शौर्य पुरस्कार विजेती लहान मुले राजपथावर
जीएसटीचे महत्त्व सांगणारा चित्ररथ राजपथावर
आसामचा चित्ररथ राजपथावर
जम्मू काश्मीरचा चित्ररथ राजपथावर
बेटी बचाव, बेटी पढाओचा संदेश देणारा हरियाणाचा चित्ररथ राजपथावर
हिमाचल प्रदेशचा चित्ररथ राजपथावर; स्थानिक कलांची झलक
दिल्लीच्या चित्ररथातून शिक्षणाचे महत्त्व अधोरेखित
चित्ररथाच्या माध्यमातून भारताचा सांस्कृतिक ठेवा राजपथावर
मणीपूरचा चित्रपथ राजपथावर
महाराष्ट्राचा चित्ररथ राजपथावर; लोकमान्य टिळकांना चित्ररथातून आदरांजली
ओडिशा, अरुणाचल प्रदेशाचे चित्ररथ राजपथावर
एनसीसी, एनएसएसच्या पथकांचे शिस्तबद्ध संचलन
नॅशनल सिक्युरिटी गार्ड्सचे पहिल्यांदाच राजपथावर संचलन
केंद्रीय राखीव पोलीस दलाचे राजपथावर संचलन
सीमा सुरक्षा दलाचे राजपथावर संचालन
स्वदेशी धनुष तोफ लवकरच राजपथावर
रणगाडा पथकाची राष्ट्रपतींना मानवंदना
ब्रम्होस प्रणाली राजपथावर दाखल
भीष्म रनगाड्यांची तुकडी राजपथावर
संयुक्त अरब अमिरातीच्या लष्कर, नौदल आणि हवाई दलाच्या जवानांचे दिमाखदार संचलन
संयुक्त अरब अमिरातीच्या १४९ जवानांचे संचलन
शहीद हंगपन दादा यांच्या पत्नीने अशोक चक्र स्विकारले