74th Republic Day 2023 Parade: आज देशभरात ७४व्या प्रजासत्ताक दिनाचा उत्साह पाहायला मिळत आहे. देशभरात प्रजासत्ताक दिनाच्या निमित्ताने विविध कार्यक्रमांचं आयोजन करण्यात आलं आहे. राजधानी दिल्लीमध्ये सालाबादप्रमाणे होणाऱ्या पथसंचलनातील महाराष्ट्राचा चित्ररथ सगळ्यांसाठी चर्चेचा विषय ठरला आहे.
दरवर्षी या दिवशी सुरक्षा दलाकडून केल्या जाणाऱ्या चित्तथरारक कसरती सगळ्यांच्या आकर्षणाचा केंद्रबिंदू असतात.
Republic Day 2023 Live Updates in Marathi : देशभरात ७४व्या प्रजासत्ताक दिनाचा उत्साह!
इस्रायलच्या भारताला अनोख्या शुभेच्छा; ऐतिहासिक वास्तूंसमवेत भारतीय भाषांमध्ये मान्यवरांचा संवाद!
अमेरिकन दूतावासाकडून अनोख्या पद्धतीने गायलेल्या वंदे मातरम् गाण्याचा व्हिडीओ शेअर करण्यात आला आहे. यामध्ये अमेरिकन अधिकारी राघवन आणि स्टेफनी यांनी पवित्रा चारी यांच्यासमवेत हे गाणं तयार केलं आहे. २०२३च्या ग्रॅमी पुरस्कारांमध्ये नामांकन मिळालेल्या अल्बममधील हे गाणं आहे.
महाराष्ट्राच्या चित्ररथात साडेतीन शक्तीपिठांचं सादरीकरण!
पंजाबमधल्या ऐतिहासिक अटारी सीमेवर भारतीय जवानांनी ध्वजावतरण केलं.
तामिळनाडूमध्ये राज्यपाल आर. एन. रवी यांच्याहस्ते ध्वजावतरण संपन्न झालं.
कर्तव्यपथावर येण्यापूर्वी पंतप्रधान नरेंद्र मोदींनी राष्ट्रीय युद्ध स्मारकावर जाऊन शहीदांना श्रद्धांजली अर्पण केली.
कर्तव्यपथावर एनसीसीच्या कॅडेट्सचं सादरीकरण...
काश्मीरच्या श्रीनगरमधील प्रसिद्ध लाल चौकमध्ये क्लॉक टॉवरवर तिरंगा फडकवण्यात आला आहे.
दिल्लीत कर्तव्य पथावर पथसंचलनाला सुरुवात झाली असून सैन्यदलाच्या विविध तुकड्या आपापलं कसब दाखवत आहेत.
दिल्लीत पथसंचलनासाठी कर्तव्यपथ सज्ज झाला आहे. नुकतंच कर्तव्यपथावर राष्ट्रपती द्रौपदी मुर्मू, पंतप्रधान नरेंद्र मोदी आणि यंदाच्या प्रजासत्ताक दिनाचे प्रमुख पाहुणे इजिप्तचे राष्ट्राध्यक्ष अब्देह फते अल सीसी दाखल झाले आहेत. राष्ट्रपती द्रौपदी मुर्मू यांच्याहस्ते यावेळी ध्वजावतरण करण्यात आलं.
आपण याची काळजी घेतली पाहिजे की विविधतेने नटलेल्या आपल्या समाजात बंधुभाव असतो, तेव्हा स्वातंत्र्यासोबतच समानतेची खात्री निर्माण होते. मोठ्या कष्टाने मिळालेल्या या स्वातंत्र्याच्या संरक्षणाचीही खात्री निर्माण होते. हे काम इतर कुणी करणार नसून आपल्यालाच ते करावं लागणार आहे - सरसंघचालक मोहन भागवत
स्वातंत्र्य आणि समतेसोबतच विविधता हा शब्द आपल्या संविधानात आहे. डॉ. बाबासाहेब आंबेडकर म्हणतात, त्या बंधुभावाला देशभरात आपल्याला प्रचलित करावं लागेल. वेगवेगळ्या विचारसरणींना मानणारे आपण लोक संसदेत आपले वेगवेगळे गट बनवून आपण बसलो आहोत. लोकशाही प्रक्रियेत यातूनच संवाद बनतो. - सरसंघचालक मोहन भागवत
पंतप्रधान नरेंद्र मोदींनी ट्वीट करून देशवासीयांना प्रजासत्ताक दिनाच्या शुभेच्छा दिल्या आहेत. "प्रजासत्ताक दिनाच्या खूप साऱ्या शुभेच्छा. यावेळचा प्रजासत्ताक दिन खास आहे. कारण हा प्रजासत्ताक दिन आपण स्वातंत्र्याच्या अमृत महोत्सवी वर्षात साजरा करत आहोत. देशाच्या महान स्वातंत्र्य सैनिकांची स्वप्नं साकार करण्यासाठी आपण एकत्रितपणे वाटचाल करुयात हीच माझी इच्छा आहे", असं ट्वीट पंतप्रधानांनी केलं आहे.
74th Republic Day 2023 : प्रजासत्ताक दिनाच्या अगोदर पंतप्रधान नरेंद्र मोदींनी दिल्लीत NCC-NSS कॅडेट्स यांच्यासह प्रजासत्ताक दिन सोहळ्यातील विविध कार्यक्रमांमध्ये सहभागी झालेल्या देशभरातील तरूण कलावंताना एका कार्यक्रमात मार्गदर्शन केले. यावेळी मोदी म्हणाले, “मित्रांनो भविष्यासाठी मोठी ध्येय आणि संकल्प हे आपल्यासाठी अतिशय आवश्यक आहेत. मात्र याचबरोबर आपल्याला वर्तमानातील छोट्या-मोठ्या प्राथमिकतानांही तेवढच महत्त्व द्यावं लागेल. त्यामुळे माझा तुम्हा सर्वांना आग्रह असेल, की देशात होणाऱ्या बदलांची तुम्हाला माहिती असू द्या.” वाचा सविस्तर बातमी...
74th Republic Day 2023 Parade : आज आपला भारत देश ७४वा प्रजासत्ताक दिन साजरा करत आहे. यानिमित्त गावखेड्यापासून ते दिल्लीपर्यंत सर्वत्र उत्साह पाहायला मिळत आहे. देशभरात प्रजासत्ताक दिनाच्या निमित्ताने विविध कार्यक्रमांचं आयोजन करण्यात आलं आहे. राजधानी दिल्लीत पथसंचलन होणार आणि पंतप्रधान लाल किल्ल्यावरून देशाला उद्देशून भाषण करणार आहेत. या सगळ्या पार्श्वभूमीवर आणि आजच्या प्रजासत्ताक दिनाच्या निमित्त शिवसेनेने (ठाकरे गट) मोदी सरकारला उद्देशून काही प्रश्न विचारले आहेत. वाचा सविस्तर बातमी...
नागपूरमध्ये उपमुख्यमंत्री देवेंद्र फडणवीस यांच्याहस्ते ध्वजावतरण करण्यात आलं. यावेळी देवेंद्र फडणवीसांनी भाषणातून आपल्या भावना व्यक्त केल्या.
पाहा व्हिडीओ
७३व्या वर्धापन दिनानिमित्त राज्याच्या जनतेला शुभेच्छा देतो - राज्यपाल
पंतप्रधान नरेंद्र मोदींच्या हस्ते नुकतंच मेट्रो मार्ग २ आणि मेट्रो मार्ग ७ यांचा दुसरा टप्पा प्रवासी वाहतुकीसाठी खुला करण्यात आला आहे. - राज्यपाल भगतसिंह कोश्यारी
मुंबईच्या छत्रपती शिवाजी महाराज पार्कवर राज्यपाल भगतसिंह कोश्यारी यांच्याहस्ते ध्वजावतरण पार पडलं. यानंतर शिवाजी पार्कवर राज्यातील विविध विभागांचे चित्ररथ शिवाजी पार्कवरील संचलनामध्ये सादर होणार आहेत. पाहा व्हिडीओ
https://youtu.be/IdZC0s0lUxE
राष्ट्रवादी काँग्रेसचे आमदार अमोल मिटकरींनी त्यांच्या राहत्या घरी ध्वजावतरण करून झेंडावंदन केलं.
https://twitter.com/amolmitkari22/status/1618439913535590401
नागपुरातील राष्ट्रीय स्वयंसेवक संघाच्या मुख्यालयात ध्वजारोहण संपन्न!
मुख्यमंत्र्यांच्या शासकीय निवासस्थानी ध्वजारोहण संपन्न. 'वर्षा'वर माध्यमांशी बोलताना राज्यातील जनतेला दिल्या शुभेच्छा.
पाहा व्हिडिओ
हा व्हिडीओ धनंजय मुंडे यांच्या बीडमधील निवासस्थानातला आहे. व्हिडिओमध्ये धनंजय मुंडे पलंगावर झोपले असून त्यांच्या बाजूला त्यांची मुलगी आदिश्री उभी आहे. हातात भारताच्या राष्ट्रध्वजाचा एक फोटो घेऊन धनंजय मुंडे मुलीला प्रजासत्ताक दिनाविषयी माहिती देताना व्हिडिओमध्ये दिसत आहेत. वाचा सविस्तर
जम्मू-काश्मीरमध्ये प्रजासत्ताक दिनाच्या पार्श्वभूमीवर स्थानिकांनी काढली तिरंगा रॅली!
२६ जानेवारी २०२३ रोजी प्रजासत्ताक दिनाच्या निमित्ताने व्हाट्सअपवरून प्रजासत्ताक दिनाचे स्टिकर्स डाउनलोड कसे करायचे? वाचा सविस्तर
घटना समिती अध्यक्ष या नात्याने डॉ. बाबासाहेब आंबेडकर यांनी राज्यघटनेला अंतिम स्वरुप देण्यासाठी दिलेल्या योगदानाबाबत हा देश त्यांचा कायमच ऋणी राहील. आजच्या दिवशी विधिज्ञ बी. एन. राऊ यांचेही राज्यघटनेतील योगदानासाठी स्मरण केले पाहिजे. या घटनेमध्ये देण्यात आलेली दृष्टी ही आपल्या प्रजासत्ताकाची मार्गदर्शक आहे. या काळात एकेकाळी गरीब आणि अशिक्षितांचा देश असलेला भारत आता जागतिक स्तरावर आत्मविश्वासाने पाऊले टाकत आहे. राज्यघटनेतील सामुदायिक शहाणपणाखेरीज हे शक्य झाले नसते - राष्ट्रपती द्रौपदी मुर्मू
राष्ट्रवादी काँग्रेसचे आमदार धनंजय मुंडे यांनी मुलगी आदिश्रीसमवेत प्रजासत्ताक दिनानिमित्त केलेल्या संवादाचा व्हिडीओ ट्वीट केला आहे.
https://twitter.com/dhananjay_munde/status/1618281099658145794
74th Republic Day of India देशाच्या ७४ व्या प्रजासत्ताक दिनी राजधानी नवी दिल्लीमध्ये कर्तव्य पथावर होणाऱ्या भारती संरक्षण दलांच्या दमदार संचलनामध्ये अनेक तुकड्यांचे नेतृत्त्व महिला अधिकाऱ्यांच्याहाती असणार आहे… वाचा सविस्तर
प्रजासत्ताक दिनाच्या दिनानिमित्त ९०१ पोलीस कर्मचाऱ्यांचा पोलीस पदक जाहीर करण्यात आले आहे. यापैकी १४० पोलीस कर्मचाऱ्यांचा शौर्यासाठी पोलीस पदक जाहीर करून त्यांचा गौरव करण्यात आला आहे. तर ९३ पोलीस कर्मचाऱ्यांना विशेष सेवेसाठी राष्ट्रपती पदक जाहीर करण्यात आलं आहे. याशिवाय गुणवत्तापूर्ण सेवेसाठी ६६८ पोलीस कर्मचाऱ्यांना पोलीस पदक जाहीर झालं आहे. वाचा सविस्तर
प्रजास्ताक दिनानिमित्त गुप्तचर विभागाने राज्यात घातपात होण्याची शक्यता वर्तविली असल्यामुळे नागपूर पोलीस ‘अलर्ट मोड’वर आहेत.
७४व्या प्रजासत्ताक दिनाचा देशभरात उत्साह! (फोटो - पीटीआय)
India 74th Republic Day Live Update : देशभरात ७४व्या प्रजासत्ताक दिनाचा उत्साह!
