RG Kar Medical College Kolkata Case Verdict Updates : कोलकाता बलात्कार आणि हत्या प्रकरणात आरोपी संजय रॉयला शनिवारी विशेष न्यायालयाने दोषी ठरवलं. आता या प्रकरणी आज सियालदह न्यायालयाने आरोपी संजय रॉयला जन्मठेपेची शिक्षा सुनावली आहे. Live Law ने हे वृत्त दिलं आहे. या निकालाआधी दिवसभर जी सुनावणी पार पडली त्यात हे प्रकरण दुर्मिळातलं दुर्मीळ आहे असं निरीक्षण कोर्टाने नोंदवलं. ९ ऑगस्ट २०२४ ला कोलकाता येथील आर. जी. कर महाविद्यालय आणि रुग्णालय या ठिकाणी एका डॉक्टरवर बलात्कार करण्यात आला आणि त्यानंतर तिची हत्या करण्यात आली. रुग्णालयाच्या टाऊन हॉलमध्ये या डॉक्टरचा मृतदेह अर्धनग्न अवस्थेत आढळला होता. या मृतदेहावर अनेक जखमा होत्या. हे क्रौर्य पाहून पोलीस आणि शवविच्छेदन करणारे डॉक्टरही हादरले होते. तसंच पुढील दीड महिना या महाविद्यालयात काम करणाऱ्या डॉक्टरांनी संप पुकारला होता. दरम्यान या प्रकरणी न्यायाधीश अनिर्बान दास यांनी निकाल दिला आहे. ते २.४५ ला न्यायालयात आले. त्यानंतर त्यांनी हा निर्णय दिला.
कोर्टात काय घडलं?
कोर्टात आर. जी. कर बलात्कार आणि हत्या प्रकरणात सरकारी वकिलांनी हे म्हटलं आहे की ज्या प्रकरणांमध्ये आरोपींच्या सुधारणेला काहीही वाव नाही अशा प्रकरणांसाठी फाशीची शिक्षा राखीवच ठेवली पाहिजे. तर दुसरीकडे आरोपीच्या वकिलांनी आरोपीचं मानसिक आरोग्य ठीक नसल्याची कारणं दिली आणि फाशीची शिक्षा देण्याऐवजी पर्यायी शिक्षा देण्यात यावी असं म्हटलं होतं. सियालदह न्यायालय काय निर्णय देणार? याकडे सगळ्यांचं लक्ष लागलं होतं. संजय रॉयला न्यायालयाने जन्मठेपेची शिक्षा सुनावली आहे.
संजय रॉय हा दोषी
आर. जी. कर रुग्णलयातील कर्मचारी संजय रॉयला न्यायालयाने या प्रकरणात दोषी ठरवलं आहे. त्याचे सीमन सँपलही जुळलं आहे. सीबीआयने हे म्हटलं आहे की सगळे परिस्थितीजनन्य पुरावे आणि फॉरेन्सिकचा अहवाल यानुसार बलात्कार आणि हत्येचा गुन्हा हा एकट्या संजय रॉयनेच केला आहे. ९ ऑगस्ट रोजी गुन्ह्याच्या ठिकाणी सापडलेला एक छोटा केसही फॉरेन्सिकमध्ये तपासणीसाठी पाठवण्यात आला आहे असंही आरोप पत्रात नमूद करण्यात आलं आहे. हा केस संजय रॉयचा आहे असाही उल्लेख त्यात आहे. घटना घडल्यानंतर पुढच्या २४ तासांत संजय रॉयला अटक करण्यात आली होती.
कोलकाता येथील बलात्कार आणि हत्या प्रकरण आहे काय?
कोलकाता येथील आर. जी कर मेडिकल महाविद्यालय आणि रुग्णालयात एका डॉक्टरची अत्यंत क्रूर पद्धतीने हत्या करण्यात आली. त्याआधी तिच्यावर बलात्कार करण्यात आला. तिच्या मृतदेहावर अनेक जखमा होत्या. ९ ऑगस्ट २०२४ ला ही घटना घडली होती. या घटनेचा देशभरातून निषेध करण्यात आला. या घटनेवरुन देशभरातले डॉक्टर हे त्यांच्या सुरक्षेच्या मुद्द्यावर आक्रमक झाल्याचं शनिवारी पाहण्यास मिळालं. या घटनेतले नवे पैलू रोज समोर येत होते. तसंच आर. जी. कर महाविद्यालय आणि रुग्णालयातील ट्रेनी विद्यार्थ्यांनी सुमारे दीड महिना आंदोलन केलं होतं. कोलकाता बलात्कार प्रकरणातला मुख्य आरोपी संजय रॉय हा रुग्णालयातील डॉक्टरवर बलात्कार करण्याआधी आणि तिची हत्या करण्याआधी तो रेड लाइट एरियात गेला होता अशी माहिती समोर आली होती. हे प्रकरण सीबीआयकडे वर्ग करण्यात आलं आहे. सेलदाह कोर्टात या प्रकरणाची सुनावणी सुरु असून आज दुपारी २.४५ वाजता संजय रॉयला शिक्षा सुनावली जाणार आहे.
© IE Online Media Services (P) Ltd