युक्रेनच्या पूर्वेकडील सुमी शहरात अडकलेल्या भारतीय विद्यार्थ्यांना सुरक्षित मार्ग तयार करून देण्यासाठी तत्काळ युद्धबंदी करावी यासाठी आपण रशिया व युक्रेन या दोन्ही देशांच्या सरकारांकडे विविध माध्यमातून ‘जोरदार आग्रह’ धरला आहे, असे भारताने शनिवारी सांगितले.
सुरक्षित आश्रयस्थानांतच राहावे आणि अनावश्यक धोका पत्करणे टाळावे अशी सूचना विद्यार्थ्यांना देण्यात आली असून, सरकार त्यांच्याबाबत चिंतित आहे, असे परराष्ट्र व्यवहार मंत्रालयाचे प्रवक्ते अिरदम बागची यांनी सांगितले.
रशियन सीमेपासून सुमारे ६० किलोमीटर अंतरावर असलेल्या सुमी शहरात अडकलेल्या विद्यार्थ्यांची संख्या सुमारे ७०० असल्याचे बागची म्हणाले.
सुमी शहरात युद्ध व हवाई हल्ले सुरू असल्यामुळे, आपल्याला या संघर्ष क्षेत्रातून तत्काळ बाहेर काढावे, असा धोक्याचा इशारा देणारे संदेश आणि व्हिडीओ हे विद्यार्थी समाजमाध्यमांवर पाठवत आहेत.
हे विद्यार्थी सुमी विद्यापीठाच्या वैद्यकीय संस्थेच्या वसतिगृहांमध्ये राहात असून, भारतीय दूतावास त्यांच्या नियमित संपर्कात आहे, असेही बागची यांनी सांगितले.
रशियाच्या संरक्षण मंत्रालयाने मारिउपोल आणि वोल्नोवखा शहरांभोवती स्थानिक वेळेनुसार सकाळी ९ ते दुपारी ४ या वेळेत तात्पुरती युद्धबंदी जाहीर केल्यानंतर दुसऱ्या दिवशी भारताने हे वक्तव्य केले आहे. तथापि, खारकिव्ह व सुमीसह जेथे शेकडो भारतीय अडकून पडले आहेत, त्या ठिकाणी तात्पुरती युद्धबंदी जाहीर झालेली नाही.
सुरक्षित आश्रयस्थानांतच राहावे आणि अनावश्यक धोका पत्करणे टाळावे अशी सूचना विद्यार्थ्यांना देण्यात आली असून, सरकार त्यांच्याबाबत चिंतित आहे, असे परराष्ट्र व्यवहार मंत्रालयाचे प्रवक्ते अिरदम बागची यांनी सांगितले.
रशियन सीमेपासून सुमारे ६० किलोमीटर अंतरावर असलेल्या सुमी शहरात अडकलेल्या विद्यार्थ्यांची संख्या सुमारे ७०० असल्याचे बागची म्हणाले.
सुमी शहरात युद्ध व हवाई हल्ले सुरू असल्यामुळे, आपल्याला या संघर्ष क्षेत्रातून तत्काळ बाहेर काढावे, असा धोक्याचा इशारा देणारे संदेश आणि व्हिडीओ हे विद्यार्थी समाजमाध्यमांवर पाठवत आहेत.
हे विद्यार्थी सुमी विद्यापीठाच्या वैद्यकीय संस्थेच्या वसतिगृहांमध्ये राहात असून, भारतीय दूतावास त्यांच्या नियमित संपर्कात आहे, असेही बागची यांनी सांगितले.
रशियाच्या संरक्षण मंत्रालयाने मारिउपोल आणि वोल्नोवखा शहरांभोवती स्थानिक वेळेनुसार सकाळी ९ ते दुपारी ४ या वेळेत तात्पुरती युद्धबंदी जाहीर केल्यानंतर दुसऱ्या दिवशी भारताने हे वक्तव्य केले आहे. तथापि, खारकिव्ह व सुमीसह जेथे शेकडो भारतीय अडकून पडले आहेत, त्या ठिकाणी तात्पुरती युद्धबंदी जाहीर झालेली नाही.
