Russia-Ukraine War : पुतिन यांच्याकडून रशियाच्या अण्वस्त्र विभागाला हाय अलर्टवर राहण्याचे आदेश

मॉस्कोमधील बेलारूस येथे रशियाशी चर्चा करण्यास युक्रेन तयार आहे, असं वृत्त रशियन स्टेट मीडियाने दिलंय.

युक्रेनमधीन खार्किव शहरामध्ये रशियन सैन्याने प्रवेश केला होता आणि दोन्ही देशाच्या सैन्यात युद्ध सुरू होतं. परंतु रशियन सैन्याला माघारी पाठवत खार्किव शहर ताब्यात घेतलं आहे, असा दावा युक्रेनच्या सैन्याने केला आहे.

"युक्रेनने रशियाच्या विरोधात आपला अर्ज आंतरराष्ट्रीय न्यायालयामध्ये सादर केला आहे. आक्रमकतेने युक्रेनमध्ये नरसंहार केल्याबद्दल रशियाला जबाबदार धरले पाहिजे. तसेच आम्ही रशियाला त्वरित लष्करी कारवाई थांबवण्याचा आदेश देण्याची विनंती करतो आणि पुढील आठवड्यात याप्रकरणी सुणावणी सुरू होण्याची अपेक्षा करतो," असे युक्रेनचे राष्ट्राध्यक्ष झेलेन्स्की यांनी एका ट्विटमध्ये लिहिले आहे.

रशियाने युक्रेनवर केलेल्या आक्रमणामुळे रशियाचे राष्ट्राध्यक्ष व्लादिमीर पुतीन यांना आंतरराष्ट्रीय ज्युदो फेडरेशनचे (IJF) मानद अध्यक्ष म्हणून निलंबित करण्यात आले आहे, अशी घोषणा क्रीडा प्रशासकीय समितीने केली.

युक्रेनमधील भारतीय दूतावासाने ट्विट केले आहे की, "युक्रेन रेल्वे कोणत्याही खर्चाशिवाय आपत्कालीन गाड्यांचे आयोजन करत आहे. किव्ह येथून प्रथम या आणि जागा मिळवा या तत्त्वावर या गाड्या सुरू करण्यात आल्या आहेत. यासंदर्भात वेळापत्रक रेल्वे स्थानकांवर आढळेल.”

दरम्यान, सध्याची किव्हमधील परिस्थिती पाहता अडकलेल्या भारतीय लोकांना देशाच्या पश्चिम भागात जाण्याचा सल्ला देण्यात आला आहे.

फिनलंड इतर युरोपीय देशांच्या राफ्टमध्ये सामील होऊन रशियन विमानांसाठी आपली हवाई हद्द बंद करेल. फिनलंड "रशियन हवाई वाहतुकीसाठी आपले हवाई क्षेत्र बंद करण्याची तयारी करत आहे," असे परिवहन मंत्री टिमो हरक्का यांनी ट्विटरवर लिहिले. फिनलंडची रशियाशी ८०० मैलांची सीमा आहे.

युक्रेनमधील वाढत्या तणावादरम्यान, इस्कॉनने पूर्व युरोपीय देशातील गरजू लोकांसाठी मंदिराचे दरवाजे उघडले आहेत. "संपूर्ण युक्रेनमधील इस्कॉनची मंदिरे गरजू लोकांच्या सेवेसाठी तयार आहेत. आमचे भक्त आणि मंदिरे संकटात सापडलेल्यांची सेवा करण्यासाठी वचनबद्ध आहेत. आमच्या मंदिराचे दरवाजे सेवेसाठी खुले आहेत", असं कोलकाता येथील इस्कॉनचे उपाध्यक्ष राधारमण दास यांनी शनिवारी सांगितले.