Ukraine War: आर्थिक निर्बंधावर मात करण्यासाठी रशिया घेणार बिटकॉइनचा आधार?

रशियाने युक्रेनवर हल्ले सुरु केल्यानंतर अनेक देशांनी रशियावर आर्थिक निर्बंध लादले आहेत. अमेरिकेचे अध्यक्ष जो बिडेन यांनी रशियाला काय निर्यात करता येईल यावर नवीन निर्बंध आणि मर्यादा जाहीर केल्या आहेत. अमेरिकेतील पाच सर्वात मोठ्या रशियन बँकांवर टाच आणली असून त्यांची सर्व मालमत्ता गोठवली जाणार आहे. याची किंमत १ ट्रिलियन अमेरिकन डॉलर्सपेक्षा जास्त आहे. मात्र असं असलं तरी क्रिप्टोकरन्सीचा अवलंब वाढल्याने रशियाला आर्थिक निर्बंधांच्या पहिल्या लाटेपासून दूर राहण्यास मदत होऊ शकते. अमेरिका आणि युरोपियन युनियन (EU) निर्बंध लागू करण्यासाठी बँकांवर मोठ्या प्रमाणावर अवलंबून असतात. मात्र डिजिटल चलन जागतिक बँकिंग नियमांच्या कक्षेबाहेर असल्याने, क्रिप्टोकरन्सी रशियाच्या अर्थव्यवस्थेचा प्रमुख आधारस्तंभ म्हणून उदयास येऊ शकते. युद्धाला सुरुवात झाली तेव्हा क्रिप्टोकरन्सीत घसरण दिसून आली होती. मात्र आता बिटकॉइन आणि इतर क्रिप्टोकरन्सीच्या किमतींमध्ये काही प्रमाणात स्थिरता आली आहे.

द न्यूयॉर्क टाईम्सच्या मते, रशिया अमेरिकेच्या निर्बंधांपासून बचाव करण्यासाठी क्रिप्टो करन्सीला कायदेशीर करत आहे. अन्यथा पाश्चिमात्य देशांच्या वाढत्या निर्बंधांच्या दबावाला तोंड देऊ शकणार नाही. FxPro चे वरिष्ठ बाजार विश्लेषक अ‍ॅलेक्स कुप्ट्सिकेविच यांनी सांगितले की, क्रिप्टो करन्सी महिन्याच्या नीचांकी पातळीवर पोहोचल्यानंतर पुन्हा एकदा खरेदीदारांकडून पाठिंबा मिळाला आहे.

आणखी वाचा

रशिया-युक्रेन संघर्ष अणुयुद्धात बदलणार? युक्रेनची अणुबॉम्बची तयारी? काय होणार जगावर परिणाम?

१८ नोव्हेंबर पंचांग: संकष्टी चतुर्थी १२ पैकी कोणत्या…

अर्धी पृथ्वी टप्प्यात येईल असे ‘सूर्या’ क्षेपणास्त्र भारताकडे खरेच आहे का? पाकिस्तानी तज्ज्ञाचा दावा काय?

चलनवाढीसह विकासवेग मंदावण्याचा धोका ; शक्तिकांत दास

डोनाल्ड ट्रम्प आणि व्लादिमीर पुतिन खरोखर एकमेकांचे मित्र आहेत का? दोघांच्या मैत्रीत युक्रेनचा ‘बकरा’?

युक्रेनबरोबर सुरू असलेल्या युद्धामुळे रशियात बटरची चोरी; नेमकं प्रकरण काय?

युक्रेन, इस्रायल युद्धांमुळे कार्बन उत्सर्जनामध्ये वाढ

‘या’ देशात स्थापन होणार सेक्स मंत्रालय? डेटिंग अन् लग्नासाठीही सरकार पुरवणार आर्थिक साह्य? कारण काय?

युक्रेनच्या उपपंतप्रधानांचं अ‍ॅपलच्या सीईओंना खुलं पत्र, म्हणाले “तुम्हाला मान्य करावे लागेल…”

फर्म क्वांटम इकॉनॉमिक्सचे संस्थापक आणि सीईओ मॅटी ग्रीनस्पॅन यांनी ब्लूमबर्गला सांगितले, “जर दोन लोक किंवा संस्था एकमेकांसोबत व्यवसाय करू इच्छित असतील आणि बँकांद्वारे तसे करू शकत नसतील, तर ते बिटकॉइनसह करू शकतात. जर एखाद्या धनाढ्य व्यक्तीला असे वाटत असेल की निर्बंधांमुळे त्याचे खाते बंद होऊ शकते, तर तो हे टाळण्यासाठी त्याचे पैसे बिटकॉइनमध्ये बदलू शकतो.”