Viral Video: रशियात कुत्र्यांना युद्धासाठी खास पॅराशूट प्रशिक्षण

“या प्रशिक्षणावेळी कुत्र्यांना आठवेळा वरून खाली आणण्यात आलं. एकदा वरून खाली आल्यानंतर त्यांना पुन्हा प्लेनमध्ये नेणं आव्हानात्मक होतं. मात्र कुत्र्यांमध्ये तितकी भीती जाणवली नाही”, असं पॅराशूट प्रशिक्षणार्थी अँद्रे तोपोरकोव यांनी सांगितलं. त्यांना प्लेनमध्ये बसवल्यानंतर ते त्याचा आनंद लुटताना दिसले. तसेच खिडकीतून पृथ्वीवर बघताना त्यांना आनंद होत होता. मात्र प्लेनमधून खाली उडी टाकताना ते भेदरलेल्या अवस्थेत असायचे. तेव्हा खूप गोंधळ आणि आवाजही असायचा, असंही त्यांनी पुढे सांगितलं. कुत्र्यांसोबत एक प्रशिक्षणार्थी असायचा. तो कुत्र्यांना विश्वासात घेत गोंजरत त्यांना विश्वास द्यायचा. त्यानंतरच प्लेनमधून उडी घ्यायचा. कारण उडी घेताना कोणतीच अडचण येऊ नये, यामागचा हेतू आहे, असंही अँद्रे तोपोरकोव यांनी सांगितलं.

कुत्र्यांना २६ हजार फुटावरून खाली आणण्याचा पुढचा प्रयत्न असणार आहे. यावेळी कुत्र्यांना ऑक्सिजन पुरवठ्याची गरज देखील भासणार आहे. पॅराशूट सिंगल आणि सोबत प्रशिक्षणार्थी असं तयार करण्यात आलं आहे. त्याचबरोबर हे प्रशिक्षण २०२१ च्या शेवटापर्यंत पूर्ण होईल असंही सांगण्यात आलं आहे.