Russia-Ukraine War: रशिया-युक्रेनचे युद्ध भारत थांबविणार? पुतिन यांचं मोठं विधान; चीन, ब्राझीलचाही उल्लेख

याआधीही झाली होती वाटाघाटी

राष्ट्राध्यक्ष व्लादिमीर पुतिन म्हणाले की, युद्ध सुरू झाल्यानंतर पहिल्याच आठवड्यात रशिया आणि युक्रेन यांच्या दरम्यान वाटाघाटी झाली होती. इस्तंबूल येथे वाटाघाटीचा करार करण्यात आला होता. मात्र हा करार कधीही अमलात येऊ शकला नाही. आता नव्याने शांतता करार करण्यासाठी हा पहिला करार विचारात घेतला जाऊ शकतो, असेही पुतिन यांनी म्हटले. ईस्टर्न इकॉनॉमिक फोरमला संबोधित करत असताना पुतिन यांनी हे विधान केले आहे.

आणखी वाचा

स्टॅलिन हे नाव तमिळ आहे का? हिंदीच्या सक्तीकरणाला विरोध करणाऱ्या उदयनिधींना भाजपा मंत्र्याचे उत्तर

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

CRINK:’क्रिंक’ हुकूमशाहाचा नवा अवतार; नाटो विरुद्ध क्रिंक जागतिक राजकारण कोणते वळण घेणार?

PM Modi Russia Visit : Video : ‘आमचे संबंध एवढे घनिष्ठ आहेत की कोणत्याही अनुवादकाची गरज नाही’, पुतिन यांची मिश्किल टिप्पणी ऐकून मोदीही हसले

पंतप्रधान नरेंद्र मोदी, चीनचे शी जिनपिंग यांच्यात आज चर्चा; रशियातील बैठकीकडे जगाचे लक्ष

अग्रलेख : सहमतीतील अर्थमती

Udhaynidhi Stalin : “मुलांची नावं तमिळच ठेवा, हिंदी लादून घेऊ नका”, तमिळनाडूच्या उपमुख्यमंत्र्यांचं आवाहन; केंद्रालाही दिला थेट इशारा

भारत चीनमध्ये समझोता; पूर्व लडाखमधील सीमेवर गस्तीबाबत सहमती

हे वाचा >> पंतप्रधान मोदींच्या युक्रेन दौऱ्यात कोणकोणत्या मुद्द्यांवर चर्चा झाली? भारतासाठी हे मुद्दे किती महत्त्वाचे?

विशेष म्हणजे, पंतप्रधान नरेंद्र मोदी यांनी काही दिवसांपूर्वीच रशिया आणि युक्रेनचा दौरा केला होता. युद्धविरामासाठी भारत मध्यस्थी करण्यास तयार असल्याचे पंतप्रधान मोदी यांनी जाहिर केले होते. रशिया आणि युक्रेनचे युद्ध सुरू झाल्यानंतर ऑगस्ट महिन्यात पंतप्रधान मोदींनी पहिल्यांदाच रशिया आणि युक्रेनचा दौरा केला. यावेळी ते म्हणाले होते, “भावी पिढीच्या भविष्यासाठी शांतता अतिशय महत्त्वाची आहे. युद्धाच्या रणांगणात समाधान निघणे कठीण आहे, याची मला कल्पना आहे. पण आपल्याला चर्चेतूनच शांततेचा मार्ग काढावा लागेल.”

हे ही वाचा >> विश्लेषण : रशियाचे अण्वस्त्र धोरणच बदलण्याचा पुतिन यांचा निर्णय कशासाठी? या बदलांमुळे अणुयुद्धाची शक्यता बळावणार?

युक्रेनने भारताला काय आवाहन केले होते?

रशियाचा दौरा केल्यानंतर काही दिवसांनी पंतप्रधान मोदींनी युक्रेनचाही दौरा केला होता. यावेळी भारताने शांतता प्रस्थापित करण्यासाठी पुढाकार घ्यावा, असे आवाहन युक्रेनचे राष्ट्राध्यक्ष झेलेन्स्की यांनी केले होते.

दुसरी जागतिक शांतता शिखर परिषद भारतात?

दुसरी जागतिक शांतता शिखर परिषद भारतात आयोजित करण्यासाठी उत्सुक असल्याचे युक्रेनचे अध्यक्ष वोलोदिमिर झेलेन्स्की यांनी पंतप्रधान मोदी दौऱ्यावर आले असताना सांगितले. पहिली शांतता परिषद स्वित्झर्लंड येथे पार पडली होती. झेलेन्स्की म्हणाले होते की, मी भारताला भेट देण्याची योजना आखत आहे. भागीदारी, सामरिक भागीदारी सुरू झाल्यावर आणि संवाद सुरू झाल्यावर फार वेळ दवडून चालणार नाही, असे ते म्हणाले. पंतप्रधान मोदी यांची पुन्हा भेट घ्यायला आवडेल असे सांगतानाच, ही भेट भारतात झाली तर आनंदच आहे, असेही झेलेन्स्की यांनी स्पष्ट केले.