साक्षी महाराजांचे जामा मशिदीबाबत वादग्रस्त विधान; व्हिडीओ व्हायरल

साक्षी महाराज म्हणतात, जेव्हा मी राजकारणात आलो होतो तेव्हा माझी पहिली घोषणा होती की, अयोध्या-मथुरा-काशी सोडा, दिल्लीची जामा मशिद तोडा. ही मशीद तोडल्यानंतर इथं हिंदू देवतांच्या मुर्त्या सापडल्या नाहीत तर मला फाशीवर लटकवा. या विधानाचा त्यांचा व्हिडिओ सध्या व्हायरल झाला आहे.

नुकतेच या जाहीर कार्यक्रमात साक्षी महाराजांनी आजच्या पिढीच्या कथावाचकांवर टीका केली होती. त्यांनी म्हटले होते की, देशात असे कथावाचक आहेत ज्यांना श्रीमद भागवत कथेतील क, ख, ग ही माहिती नाही. स्वतःचे उदाहरण देऊन त्यांनी आजच्या कथावाचकांना त्यांनी सल्लाही दिला होता. राजकारणात येण्यापूर्वी आपण कथाकथन आणि प्रवचने देण्याचे काम करीत होतो.