‘भारत जोडो यात्रे’कडे अखिलेश यादव यांची पाठ

समाजवादी पक्षाचा उत्तर प्रदेशातील सहकारी राष्ट्रीय लोकदलाचे प्रमुख जयंत चौधरी हेदेखील यात्रेत सहभागी होण्याची शक्यता नाही. तर बहुजन समाज पक्षाच्या सर्वेसर्वा मायावती यांनीही यात्रेपासून लांब राहण्याचा निर्णय घेतला आहे. गेल्या लोकसभा निवडणुकीमध्ये ‘सप’ने काँग्रेसशी युती केली होती. त्याचा मोठा फटका पक्षाला बसला. अखिलेश यात्रेत सहभागी झाले तर २०२४ च्या लोकसभेत काँग्रेसशी आघाडी होत असल्याचा गैरसमज निर्माण होण्याची शक्यता आहे. २०१९ मधील चूक आगामी लोकसभा निवडणुकीत टाळण्याचा प्रयत्न अखिलेश यादव करीत आहेत, असे मानले जाते. 

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

Nana Patole : निकालाआधी राजकीय घडामोडींना वेग; यातच…

राहुल गांधी नागपुरात आले आणि…टमाटरने सजवलेल्या तर्री पोह्यांसाठी थेट….

‘लाडक्या बहिणींना रक्कम नियमित मिळणार का? कारण मध्य प्रदेशात…’

आरक्षणासाठी ५० टक्के मर्यादा तोडू! नांदेडमधील सभेत राहुल गांधींकडून मोदी लक्ष्य

‘सेफ’ राहण्यासाठी, एक होण्यापेक्षा…

शाही परिवारासाठी काँग्रेसकडून समाज तोडण्याचे षडयंत्र; नरेंद्र मोदी यांचा गांधी परिवारावर हल्लाबोल

‘भारत जोडो’ यात्रेचा पुढील टप्पा ३ जानेवारीला उत्तर प्रदेशमधून सुरू होणार आहे. यावेळी काँग्रेसने बिगर भाजप पक्षांच्या नेत्यांना सहभागी होण्याचे आवाहन केले आहे. काँग्रेसच्या यात्रेत सहभागी झाल्यास मतदारांमध्ये चुकीचा संदेश पोहोचण्याची भीती ‘सप’चे प्रमुख अखिलेश यादव यांना वाटू लागल्याची चर्चा आहे. मात्र अखिलेश यांचे अन्य कार्यक्रम  असल्यामुळे ते यात्रेत सहभागी होऊ शकत नसल्याचा दावा ‘सप’चे प्रवक्ते राजेंद्र चौधरींनी केला. लोकसभा निवडणुकीसाठी भाजपच्या ‘मिशन २०२४’ची सुरुवात झाली असून जानेवारीत पक्षाध्यक्ष जे. पी. नड्डा, संघटना महासचिव बी. एल. संतोष आणि केंद्रीय गृहमंत्री अमित शहा उत्तर प्रदेशचा दौरा करणार आहेत.