“६ तारखेला अयोध्येत जे घडलं ते…”, अटल बिहारी वाजपेयी तेव्हा काय म्हणाले होते? राऊतांनी ट्वीट केला Video!

देवेंद्र फडणवीसांची खोचक टीका

“मी काही लोकांची पर्वाच करत नाही. जेव्हा कारसेवा करायची होती तेव्हा हे लोक लपून बसले होते. हे कुणीही कारसेवेसाठी गेले नाहीत. मी त्यांच्यावर काय बोलायचं? आम्ही कारसेवक आहोत आणि आम्हाला त्याचा अभिमान आहे. तिन्ही कारसेवांमध्ये मी गेलो होतो. मी बदायूच्या तुरुंगात गेलो आहे. जेव्हा कलंकित ढाचा पाडला गेला तेव्हाही मी तिथे उपस्थित होतो. आता काही लोक जळतात कारण ते घाबरुन घरी बसले होते. मी त्यांच्याविषयी कशाला बोलायचं?” असं म्हणत देवेंद्र फडणवीसांनी ठाकरे गटाला लक्ष्य केलं होतं. त्यावर आता संजय राऊतांनी एक्सवर पोस्ट केलेल्या व्हिडीओच्या माध्यमातून प्रत्युत्तर दिलं आहे.

आणखी वाचा

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”

VIDEO: भरसभेत नितीश कुमार पाया पडायला गेले अन् नरेंद्र मोदींनी…; नेमकं काय घडलं?

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

Raosaheb Danve Viral Video: रावसाहेब दानवेंची लाथ बसलेल्या कार्यकर्त्याची प्रतिक्रिया समोर; म्हणाला, “म्हणून साहेबांनी मला…”

Uddhav Thackeray : उद्धव ठाकरेंचं जय शाह यांना खुलं आव्हान; म्हणाले, “गावातील कोणत्याही तरुणाबरोबर क्रिकेट खेळून दाखवावं, मग…”

काय आहे संजय राऊतांच्या पोस्टमध्ये?

संजय राऊतांनी एक्सवर केलेल्या पोस्टमध्ये देवेंद्र फडणवीस, आशीष शेलार या भाजपाच्या नेत्यांना लक्ष्य केलं आहे. “महाराष्ट्रातील श्रीमान फडणवीस, श्रीमान गिरीश महाजन, श्रीमान आशिष शेलार वगैरे वगैरे तथाकथिक राम भक्तांसाठी ही ‘स्मरण गोळी’. उगाळून घ्या. आणखी देखील जालीम डोस आहेत. योग्य वेळी देऊच”, असं राऊतांनी या पोस्टमध्ये म्हटलं आहे.

काय आहे व्हिडीओमध्ये?

राऊतांनी शेअर केलेल्या व्हिडीओमध्ये अटल बिहारी वाजपेयी, लालकृष्ण आडवाणी व बाळासाहेब ठाकरे या तीन नेत्यांच्या मुलाखतींमधला काही भाग एकत्र करण्यात आला आहे. त्यात बाबरी मशीद पाडण्याच्या प्रसंगावर हे तिन्ही नेते भूमिका मांडताना दिसत आहेत.

बाबरीवर काय म्हणाले अटल बिहारी वाजपेयी?

“६ तारखेला अयोध्येत जे घडलं, ते दुर्दैवी होतं. ते घडायला नको होतं. आम्ही ते रोखण्याचा प्रयत्न केला. पण आम्हाला त्यात यश आलं नाही. आम्ही त्यासाठी माफी मागतो. कारसेवक नियंत्रणाबाहेर गेले. त्यांनी असं काही केलं, जे व्हायला नको होतं”, अशी स्पष्ट भूमिका अटल बिहारी वाजपेयींनी एका मुलाखतीत मांडल्याचं या व्हिडीओत दिसत आहे.

“अयोध्येच्या मंदिरात प्रभू श्रीरामाला एकटं…”, रामायण मालिकेतल्या सीतेची पंतप्रधान नरेंद्र मोदींना ‘ही’ विनंती

लालकृष्ण आडवाणींनीही व्यक्त केला होता खेद

दरम्यान, लालकृ्ष्ण आडवाणींनीही बाबरी पाडल्याच्या घटनेवर खेद व्यक्त केल्याचं व्हिडीओमध्ये दिसत आहे. “मी याला माझ्या आयुष्यातील सर्वात वाईट दिवस म्हणेन. ती एक गंभीर चूक होती. त्यात शंकाच नाही. मी आधी उमाला (भारती) सांगितलं की तिथे जाऊन त्या सगळ्यांना खाली यायला सांग. पण तिनं येऊन मला सांगितलं की तिथे सगळ्यात वर काही मराठी माणसं आहेत आणि ते माझं ऐकत नाहीयेत. मग मी प्रमोदला (महाजन) पाठवलं. प्रमोदही निराश होऊन परत आला”, असं आडवाणी म्हणाले होते.

“आरएसएस नेते रज्जूभय्या तिथे नव्हते. दुसऱ्या दिवशी ते म्हणाले की मी त्या घटनेचा निषेध करतो. मी रज्जूभय्यांच्या मताशी सहमत आहे”, असंही आडवाणींनी म्हटल्याचं व्हिडीओत दिसत आहे.

बाळासाहेब ठाकरे म्हणाले, “मला अभिमान आहे”

दरम्यान, या व्हिडीओमध्ये सगळ्यात शेवटी बाळासाहेब ठाकरेंच्या मुलाखतीचा एक भाग असून त्यात बाबरीमध्ये जे घडलं, त्याचा अभिमान असल्याचं बाळासाहेब ठाकरे म्हणत आहेत. “ती अभिमानाची बाब आहेच. यात कोणतीही शरमेची बाब नाहीये. बाबरी मशीद पाडलेली नाही, त्याच्याखालचं राम मंदिर आम्ही वर आणलं आहे”, असं बाळासाहेब ठाकरे तेव्हा म्हणाले होते.