Kolkata Crime : “कोलकाता पीडितेची ओळख जाहीर केलीत तर..”, सर्वोच्च न्यायालयाने दिला कारवाईचा इशारा, शिक्षेची तरतूद नेमकी काय?

काय म्हटलं आहे सर्वोच्च न्यायालयाने?

आर. जी. कर महाविद्यालय आणि रुग्णालयातील ज्या डॉक्टरची बलात्कार करुन हत्या ( Kolkata Crime ) करण्यात आली त्या डॉक्टराचा फोटो सोशल मीडियावर शेअर होतो आहे. याबाबत सर्वोच्च न्यायालयाने आक्षेप नोंदवला आहे. अनेक युजर्स या मुलीच्या नावासह तिचा फोटो सोशल मीडियावर व्हायरल करत आहेत ही बाद क्लेशदायक आहे. घटना घडल्यानंतर पुढच्या ४८ तासांमध्ये या महिला डॉक्टरचा फोटो व्हायरल झाला. याबाबत सर्वोच्च न्यायालयाने नाराजी व्यक्त केली आहे.

आणखी वाचा

राज्य मंत्रिमंडळातील ६५ टक्के मंत्री कलंकित, पटोलेंचा गंभीर आरोप

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

मराठी भाषेबाबत जर कोणी अटकाव करीत असेल तर त्याच्यावर कडक कारवाई झाली पाहिजे : उदय सामंत

कल्याण जिल्हा न्यायालयात आरोपीला पळण्यासाठी प्रयत्न करणाऱ्या इसमावर गुन्हा

पुण्यातील लष्कर भागात भिक्षेकऱ्याची मारहाण करुन हत्या

आरोपींनाही गोपनीयतेचा मूलभूत अधिकार आहेच!

टोरेस घोटाळा प्रकरण : कार्यतत्परतेत पोलिसांकडून कसूर, पोलिसांच्या भूमिकेवर उच्च न्यायालयाचे पुन्हा ताशेरे

टँकरच्या चाकाखाली सापडून एक वर्षांच्या बालकाचा मृत्यू

हे पण वाचा- Kolkata Rape and Murder : “९ ऑगस्ट पूर्वी आम्ही १६० जणी होतो, आता..”; आर.जी. कर महाविद्यालयातील महिला डॉक्टरांना भीतीने ग्रासलं

कोलकाता येथील आर. जी. कर आरोग्य महाविद्यालयाचे माजी प्राचार्य संदीप घोष यांच्याविरोधात पीडित महिला डॉक्टरची ( Kolkata Crime ) ओळख जाहीर केल्या प्रकरणात गुन्हा दाखल करण्यात आला आहे. ३१ वर्षीय ट्रेनी डॉक्टरवर ९ तारखेच्या रात्री बलात्कार झाला आणि त्यानंतर तिची हत्या करण्यात आली. या प्रकरणात दोन महिला डॉक्टरांनी अफवा पसरवण्याचं काम केलं असाही आरोप भाजपाच्या आमदार लॉकेट चटर्जींनी केला आहे.

बलात्कार पीडितेची ओळख जाहीर केल्यास काय शिक्षा होते?

१) बलात्कार पीडितेची ओळख, फोटो, नाव जाहीर करणं हा कायद्याने गुन्हा आहे.

२) भारतीय न्याय संहिता २०२३ च्या तरतुदीनुसार हा गुन्हा आहे

३) भारतीय न्याय संहितेच्या कलम ७२ च्या अन्वये बलात्कार पीडितेची कुठल्याही प्रकारे ओळख जाहीर केली, तिचं नाव छापलं, फोटो व्हायरलल केला तर किमान दोन वर्षांच्या तुरुंगवासाची तरतूद आहे.

बलात्कार पीडितेची ओळख का जाहीर केली जात नाही?

सर्वोच्च न्यायालयाने बलात्कार पीडितेची ओळख जाहीर करणं हा गुन्हा असल्याचं म्हटलं आहे. यामागे एकच कारण नाही तर अनेक कारणं असतात. बलात्कार पीडितेची सुरक्षा हा सर्वात महत्त्वाचा मुद्दा आहे. तसंच ज्या पीडितेवर बलात्कार झालेला असतो ती मानसिकरित्या कोसळून गेलेली असते. तिची ओळख जाहीर झाली तर तिची बदनामी होते. त्याचप्रमाणे तिच्याकडे समाज वेगळ्या नजरेने पाहतो. पीडितेने स्वतःला आणखी एका तणावात ढकलू नये म्हणून तिची ओळख जाहीर केली जात नाही. द मिंटने हे वृत्त दिलं आहे.