Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

जम्मू काश्मीरच्या पुलवामा जिल्ह्यातील द्राबगाम परिसरात सोमवारी हिज्बुल मुजाहिद्दीन या दहशतवादी संघटनेच्या दोन दहशतवाद्यांना कंठस्नान घालण्यात आले. हे दोघेही 'हिज्बुल'च्या वरच्या फळीतील दहशतवादी होते.

संग्रहित छायाचित्र

जम्मू काश्मीरच्या पुलवामा जिल्ह्यातील द्राबगाम परिसरात सोमवारी हिज्बुल मुजाहिद्दीन या दहशतवादी संघटनेच्या दोन दहशतवाद्यांना कंठस्नान घालण्यात आले. हे दोघेही ‘हिज्बुल’च्या वरच्या फळीतील दहशतवादी होते. एकाचे नाव समीर अहमद भट उर्फ समीर टायगर असून हा हिज्बुल मुजाद्दीनदचा कमांडर स्तराचा A++ दर्जाचा दहशतवादी होता. तर दुसऱ्याचे नाव अकीब खान असून तोदेखील वरच्या फळीतील दहशतवादी होता. सुरक्षा दल आणि दहशतवाद्यांमध्ये झालेल्या या चकमकीत लष्कराचे दोन जवानही जखमी झाले.

या चकमकीआधी जिल्ह्यातील द्राबगाम परिसरात दोन ते तीन दहशतवादी लपून बसल्याची माहिती सुरक्षा दलाला मिळाली होती. त्यानुसारच हा परिसर रिकामा करण्यात आला आणि शोधमोहिम हाती घेण्यात आली होती, अशी माहिती पोलिस अधिकाऱ्याने दिली. शोधमोहिम सुरू असताना जवानांना दहशतवाद्यांना शोधण्यात यश आले. त्यावेळी दहशतवाद्यांनी गोळीबारास सुरूवात केली, असे त्यांनी सांगितले.

#JammuAndKashmir: 2 terrorists, Sameer Tiger and Aaqib Khan, gunned down during ongoing encounter with security forces in Pulwama’s Drabgam.
— ANI (@ANI) April 30, 2018

First published on: 30-04-2018 at 16:28 IST

Web Title: Security forces gunned down hizbul terrorist

खतरनाक दहशतवादी समीर टायगर आणि अकीब खानचा भारतीय लष्कराने केला खात्मा