Shashi Tharoor Meets Piyush Goyal : काँग्रेसचे ज्येष्ठ नेते आणि केरळच्या तिरुवनंतपुरम येथून चार वेळा लोकसभेवर निवडून जाणारे खासदार शशी थरूर हे काँग्रेस पक्षश्रेष्ठींवर नाराज आहेत. तसेच त्यांनी पक्षश्रेष्ठींना थेट प्रश्न विचारला आहे की “पक्षात माझं नेमकं स्थान काय? माझ्यावर नेमकी कोणती जबाबदारी आहे?” दरम्यान, थरूर यांनी काही दिवसांपूर्वी पंतप्रधान नरेंद्र मोदींच्या अमेरिका दौऱ्याची प्रशंसा केली होती. तसेच त्यांनी केरळमधील डाव्या पक्षाच्या धोरणांचं कौतुक केलं होतं. काँग्रेसने आपल्या धोरणांमध्ये बदल करत मतपेटीच्या बाहेरचा विचार करून नव्या मतदारांना आकर्षित केलं पाहीजे, असं मत त्यांनी व्यक्त केलं होतं. त्याचबरोबर “काँग्रेसला माझी गरज नसेल तर माझ्याकडे पर्याय आहेत”, असंही त्यांनी म्हटलं होतं. या वक्तव्यानंतर सीपीआयएमचे नेते थॉमस इस्साक यांनी शशी थरूर यांना त्यांच्या मार्क्सवादी कम्युनिस्ट पार्टीत येण्याचं आवाहन केलं होतं. त्याचबरोबर आम्ही थरूर यांना एकटं पडू देणार नसल्याचं त्यांनी म्हटलं होतं.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
