शीना बोरा हत्याप्रकरणात मंगळवारी सीबीआयने आरोपी पीटर मुखर्जी यांच्यावर आरोपपत्र दाखल केले. अतिरिक्त महानगर दंडाधिकाऱ्यांसमोर सादर करण्यात आलेल्या या पुरवणी आरोपपत्रात पीटर मुखर्जी यांच्यावर हत्या , पुरावे नष्ट करण्याचा प्रयत्न आणि गुन्हेगारी कट रचल्याचे आरोप लावण्यात आले आहेत. या प्रकरणात पीटर यांची पत्नी इंद्राणी मुखर्जी मुख्य आरोपी असून पोलिसांनी तिला १९ नोव्हेंबर रोजी ताब्यात घेतले होते.