पीटीआय, नवी दिल्ली
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
भाजप मते मागण्यासाठी लोकांपर्यंत जात आहे, तथापि, ‘काही लोक’ मात्र मध्य प्रदेश विधानसभा निवडणुकीत विजय मिळवण्यासाठी तांत्रिक विधी करत आहेत, अशी टीका मुख्यमंत्री शिवराज सिंह चौहान यांनी गुरुवारी केली. उजैन येथील एका स्मशान घाटात काँग्रेसचे प्रदेशाध्यक्ष कमलनाथ यांची प्रतिमा समोर ठेवून त्यांच्या विजयासाठी मांत्रिकांकरवी काही विधी केले जात असल्याची छायाचित्रे बुधवारी समाजमाध्यमांवर प्रसारित झाली होती. त्याअनुषंगाने चौहान यांनी काँग्रेसवर नामोल्लेख टाळून टीका केली.
चौहान म्हणाले, ‘‘आम्ही लोकांपर्यंत जाऊन केलेल्या कामांची माहिती देत आहोत, त्याच वेळी काही लोक मात्र स्मशानात तांत्रिक क्रिया करीत आहेत. ही लोकशाही आहे का? लोकशाहीत लोकांची पूजा केली जाते. लोकांचा विश्वास मिळवण्याचा आणि त्यांची सेवा करण्याचा हाच मार्ग आहे.’’ मध्य प्रदेशात विधानसभेसाठी १७ नोव्हेंबरला मतदान होत असून भाजपच्या ‘हाय-टेक’ प्रचार रथाच्या उद्घाटनप्रसंगी चौहान बोलत होते. आम्ही काम केले आहे आणि त्याच्याच आधारावर लोकांकडे मते मागत आहोत. तुम्ही (काँग्रेस) मात्र स्मशानात मांत्रिक क्रिया करीत आहात. तुमच्या या कृतीचा देश, राज्य आणि लोकांना काही उपयोग होईल का? त्यापेक्षा तुम्ही भगवान महाकालची पूजा करा, मी त्याची पूजा केली आहे, असे चौहान म्हणाले.
हेही वाचा >>>इस्रायल-हमास युद्धावरून जो बायडेन यांना अमेरिकन खासदाराने सुनावलं, म्हणाल्या, “जागे व्हा आणि…”
आम्ही केलेल्या कामांची माहिती देऊन लोकांकडे मते मागत आहोत. काही लोक मात्र स्मशानात मांत्रिक क्रिया करीत आहेत. ही लोकशाही आहे का?- शिवराज चौहान, मुख्यमंत्री, मध्य प्रदेश
भाजप मते मागण्यासाठी लोकांपर्यंत जात आहे, तथापि, ‘काही लोक’ मात्र मध्य प्रदेश विधानसभा निवडणुकीत विजय मिळवण्यासाठी तांत्रिक विधी करत आहेत, अशी टीका मुख्यमंत्री शिवराज सिंह चौहान यांनी गुरुवारी केली. उजैन येथील एका स्मशान घाटात काँग्रेसचे प्रदेशाध्यक्ष कमलनाथ यांची प्रतिमा समोर ठेवून त्यांच्या विजयासाठी मांत्रिकांकरवी काही विधी केले जात असल्याची छायाचित्रे बुधवारी समाजमाध्यमांवर प्रसारित झाली होती. त्याअनुषंगाने चौहान यांनी काँग्रेसवर नामोल्लेख टाळून टीका केली.
चौहान म्हणाले, ‘‘आम्ही लोकांपर्यंत जाऊन केलेल्या कामांची माहिती देत आहोत, त्याच वेळी काही लोक मात्र स्मशानात तांत्रिक क्रिया करीत आहेत. ही लोकशाही आहे का? लोकशाहीत लोकांची पूजा केली जाते. लोकांचा विश्वास मिळवण्याचा आणि त्यांची सेवा करण्याचा हाच मार्ग आहे.’’ मध्य प्रदेशात विधानसभेसाठी १७ नोव्हेंबरला मतदान होत असून भाजपच्या ‘हाय-टेक’ प्रचार रथाच्या उद्घाटनप्रसंगी चौहान बोलत होते. आम्ही काम केले आहे आणि त्याच्याच आधारावर लोकांकडे मते मागत आहोत. तुम्ही (काँग्रेस) मात्र स्मशानात मांत्रिक क्रिया करीत आहात. तुमच्या या कृतीचा देश, राज्य आणि लोकांना काही उपयोग होईल का? त्यापेक्षा तुम्ही भगवान महाकालची पूजा करा, मी त्याची पूजा केली आहे, असे चौहान म्हणाले.
हेही वाचा >>>इस्रायल-हमास युद्धावरून जो बायडेन यांना अमेरिकन खासदाराने सुनावलं, म्हणाल्या, “जागे व्हा आणि…”
आम्ही केलेल्या कामांची माहिती देऊन लोकांकडे मते मागत आहोत. काही लोक मात्र स्मशानात मांत्रिक क्रिया करीत आहेत. ही लोकशाही आहे का?- शिवराज चौहान, मुख्यमंत्री, मध्य प्रदेश
