अमेरिकेतील ऑस्टीन शहर परिसरात वेगवेगळ्या भागात गोळीबार झाल्याची घटना रविवार घडली आहे. या गोळीबारात एक महिला ठार झाल्याची माहिती मिळत आहे. ऑस्टीन पोलिसांनी आपल्या अधिकृत फेसबुक आणि ट्विटरच्या माध्यमातून घटनेची माहिती दिली. गोळीबाराची माहिती मिळाल्यानंतर अर्धा तासामध्ये पोलीस घटनास्थळी पोहचले. गोळीबारातील आरोपींचा पोलीस शोध घेत असून पोलिसांनी स्थानिक नागिरीकांना ऑस्टीन परिसरापासून दुर राहण्याचे आवाहन केले आहे. हल्ल्यात एका महिलेचा मृत्यू झाला असून तीन जखमींना उपचारासाठी रुग्णालयात दाखल करण्यात आले आहे. गोळीबार झालेल्या परिसरात मोठ्या प्रमाणात बार आणि क्लब आहेत.
