“राबडीदेवी नाही मग तुमच्या बायकोला मुख्यमंत्री…”, लालूप्रसाद यादव यांची नित्यानंद राय यांच्यावर टीका

नित्यानंद राय लालू प्रसाद यादव यांच्याबाबत काय म्हणाले होते?

लालू प्रसाद यादव यांनी यादवांसाठी काहीही केलं नाही. चारा घोटाळ्यात जेव्हा लालू प्रसाद यादव यांना अटक झाली तेव्हा त्यांनी राबडी देवींना मुख्यमंत्री केलं. अशा वेळी यादव समाजातल्या किंवा गवळी समाजातल्या कुणाला हे पद का दिलं नाही? यादवांमधल्या एखाद्या नेत्याला हे पद का दिलं नाही? राबडी देवींपेक्षाही जास्त क्षमता असलेले लोक तेव्हा होते. त्यांना लालू प्रसाद यादव यांनी का डावललं ? असा प्रश्न नित्यानंद राय यांनी विचारला होता. त्यावर आता लालू प्रसाद यादव यांनी जोरदार प्रत्युत्तर दिलं.

आणखी वाचा

Ajit Pawar: ‘नायतर आम्हाला कुत्रं विचारणार नाही’, भरसभेतच अजित पवार भडकले, पोलिसांवर व्यक्त केला संताप

महायुतीला सत्ता मिळाली, लाडक्या बहिणींना २१०० रुपये कधीपासून…

“सेटवर आम्ही कधीच त्यांना…”, ऐश्वर्या आणि अभिषेक बच्चनबाबत अभिनेता म्हणाला, “त्यांच्या नात्यामुळे…”

“आजवर काय केले तेही सांगत नाही अन् पुढे काय करणार ते पण बोलत नाही,” चर्चेतील टीका

“…तर मतांचे धर्मयुद्ध आपल्यालाही लढावं लागेल”; सज्जाद नोमानींच्या व्हिडीओवरून देवेंद्र फडणवीसांचा हल्लाबोल!

“लग्नसंस्था आता आपण समाजानेचं मोडीत काढल्यात…”, घटस्फोटाबाबत बोलताना विशाखा सुभेदारचं वक्तव्य, म्हणाली…

उद्धव ठाकरे हे घरी एकच असतात व बाहेर देखील एकच असतात – आदित्य ठाकरे

नित्यानंद राय गायींची कत्तल करण्याच्या व्यवसायात होता

लालू प्रसाद यादव पाटण्याच्या इस्कॉन मंदिरात गोवर्धन मंदिरात सुरु असलेल्या गोवर्धन महोत्सवात पोहचले होते. तिथे नित्यानंद राय यांच्या वक्तव्याविषयी विचारलं असता लालू प्रसाद यादव यांनी प्रत्युत्तर दिलं आहे. “नित्यानंद राय आधी ठेकेदारी करत होता. हाजीपूरला जाऊन गाय कापण्याचं काम करत होता, गाय कापणं हाच त्याचा व्यवसाय होता. आज तोच नित्यानंद म्हणतो राबडी देवींना मुख्यमंत्री केलं. राबडी देवींना मुख्यमंत्री करायचं नव्हतं तर काय त्याच्या (नित्यानंद राय) बायकोला मुख्यमंत्री करायचं होतं का? राबडी देवींना तेव्हा मुख्यमंत्रीपद दिलं नसतं तर नितीशकुमार आणि आमचं सरकार आज नसतं.” असं लालू प्रसाद यादव यांनी म्हटलं आहे.

रामकृपाल यादव यांच्यावरही टीका

नित्यानंद राय यांच्यासह लालू प्रसाद यादव यांनी रामकृपाल यादव यांच्यावरही टीका केली. “रामकृपाल यादव बस स्टँडवर ठेके घ्यायचा, हॉटेलवर कब्जा करायचा. गोरियाटोलीचं नाव खराब केलं होतं. कृष्णाने कंसाचा नाश केला आणि राज्य केलं होतं. कृष्णाने वेळ आली तेव्हा गोवर्धन पर्वतही उचलला होता. मात्र आज धर्माच्या नावाखाली अधर्माचं राजकारण केलं जातं आहे” असं म्हणत लालू प्रसाद यादव यांनी रामकृपाल यादव यांच्यावर टीका केली.