Pulitzer Prize: अफगाणिस्तानमध्ये मरण पावलेल्या भारताच्या दानिश सिद्दिकींना ‘फोटोग्राफीचा नोबेल’; ‘हा’ फोटो ठरला सर्वोत्तम

काय म्हटलंय पुलित्झरने फोटोसंदर्भात…
दानिश यांचे रॉयटर्स वृत्तसंस्थेमधील सहकारी अदनान अबिदी, साना इशरद माटो आणि अमित दवे यांनाही या पुरस्काराने सन्मानित केलं जाणार आहे. यासंदर्भातील माहिती सोमवारी देण्यात आलीय. “भारतामधील करोना मृतांची दाहकता दाखवणारे फोटो हे भावनिक जवळीक आणि विध्वंस दाखवणारे असून फोटो पाहणाऱ्याला त्या जागेचे महत्व अखोरेखित करुन सांगणारे आहेत,” असं ‘पुलित्झर’च्या वेबसाईटवर या फोटोंबद्दल म्हटलं आहे.

आणखी वाचा

चित्रपटसृष्टीतील कलाकार हल्लेखोर, खंडणीखोरांच्या निशाण्यावर?

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

सैफ अली खानवर यशस्वी शस्त्रक्रिया, अतिदक्षता विभागात उपचार सुरू, प्रकृतीत सुधारणा

प्रत्येक दहशतवादी प्रकरणाचा तपास जातीय पूर्वग्रहातून, दोषसिद्ध आरोपींचा उच्च न्यायालयातील अपिलात आरोप

रशिया-युक्रेन युद्धात भारतीय तरुणाचा मृत्यू, एक गंभीर; अनेक महिन्यांपासून मायदेशी पाठवण्याची विनवणी केली, पण…

‘नवरी मिळे हिटलरला’ फेम अद्वैत कडणेने शेअर केला ‘मन्या’च्या लूकमधील फोटो; आशुतोष गोखले, अपूर्वा गोरेसह कलाकारांकडून कमेंट्सचा पाऊस

आलिशान गाड्या आणि बंदुकी बाळगण्याचा छंद; गोळीनेच जीव गमावलेले आमदार गुरप्रीत सिंग गोगी कोण होते?

‘अभिनव’चे माजी प्राचार्य रावसाहेब गुरव यांचे निधन

कोणता आहे हा पुस्कार मिळवणारा फोटो?
२२ एप्रिल २०२१ रोजी नवी दिल्लीमधील एका स्मशानभूमीमध्ये एकाच वेळी अनेक करोना मृतांवर अंत्यसंस्कार केले जात असल्याचा फोटो दानिश यांनी काढला होता. या फोटोमध्ये स्मशानभूमीच्या भिंतींच्या सीमा या लोकवस्तीला लागून असल्याचं स्पष्टपणे दिसत आहे. करोनाची दाहकता दर्शवणारा फोटो म्हणून हा फोटो तेव्हा चांगलाच चर्चेत आलेला. रॉयटर्स वृत्तसंस्थेसाठी त्यांनी हा फोटो काढलेला. हा फोटो अंगावर काटा आणणारा आहे असं अनेकांनी हा फोटो पाहता क्षणी म्हटलं होतं.

यापूर्वीही झालाय सन्मान
३८ वर्षीय दानिश यांना २०१८ मध्ये रोिहग्या निर्वासितांवरील छायांकनाबाबत पुलित्झर पुरस्काराने गौरविण्यात आले होते. हा पुरस्कार मिळविणारे ते पहिलेच भारतीय होते. त्यांचे शिक्षण जामिया मिलिया इस्लामियात झाले होते. तेथे त्यांचे वडील प्राध्यापक होते. दानिश यांचे वडील प्रा. अख्तर सिद्दिकी आणि आई शाहिदा यांनी मुलाच्या मृत्यूप्रकरणी सध्या आंतरराष्ट्रीय फौजदारी न्यायालयात (इंटरनॅशनल क्रिमिनल कोर्ट) तालिबानविरुद्ध तक्रार दाखल केली आहे.

मुलाच्या मृत्यूच्या चौकशीसाठी आई-वडीलांचा अर्ज
आपल्या मुलाच्या मृत्यूची चौकशी करावी आणि तालिबानचे नेते आणि उच्चस्तरीय सेनानी यांच्यावर कारवाई करावी, अशी मागणी त्यांनी केली आहे. अफगाणिस्तानात १६ जुलै २०२१ रोजी स्पिन बोल्दाक भागात रॉयटरसाठी काम करीत असताना दानिश यांच्यावर हल्ला झाला होता. नंतर तालिबानने त्यांना ताब्यात घेऊन छळ केला, तसेच त्यांना ठार केल्याचा आरोप आहे. या हल्ल्यात जखमी झालेल्या दानिश यांच्यासह अफगाणी सैनिकांवर नजीकच्या मशिदीत उपचार करण्यात आले होते.