Son Set Fire To Mother : उत्तर प्रदेशातील अलिगडमध्ये एक अत्यंत निर्घुण घटना घडली आहे. एका तरुणाने आपल्या आईला पोलिस स्टेशनच्या आवारात पेटवून दिले. नातेवाईकांसोबत मालमत्तेच्या वादातून आईला पेटवल्यानंतर त्या घटनेचे चित्रण करण्याचा प्रयत्न तरुणाने केला. हा तरुण आपल्या आईला पेटवताना सीसीटीव्ही कॅमेऱ्यात कैद झाला आहे. या घटनेचा व्हिडिओ सोशल मीडियावर व्हायरल होत असून, तरुणाला अटक करण्यात आल्याची माहिती आहे. फ्री प्रेस जर्नलने यासंदर्भातील वृत्त दिलं आहे.

खैर पोलीस ठाण्याच्या आवारात मंगळवारी ही घटना घडली. नातेवाइकांशी मालमत्तेच्या वादातून महिला आणि तिच्या मुलाने पोलीस ठाणे गाठले. काही वेळाने महिला आणि तिचा मुलगा पोलिस स्टेशनमधून बाहेर पडले आणि आवारात एका निर्जन ठिकाणी गेले. महिलेने अंगभर पेट्रोल ओतले आणि स्वत:ला पेटवून घेण्याची धमकी पोलिसांना देऊ लागली.

आणखी वाचा
What Sarangi Mahajan Said?
Sarangi Mahajan : “प्रवीण महाजन यांना गोपीनाथ मुंडेंनी पिस्तुल घेऊन दिलं होतं, पूनमला..”, सारंगी महाजन यांचा दावा
sneha chavan marathi actress got married for second time
लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…
minor boy stabbed his mother
कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू
Ashok Pawar and Rushiraj Pawar
Ashok Pawar : आमदार अशोक पवार यांच्या मुलाचं अपहरण करून मारहाण केल्याचा गंभीर आरोप; राजकारणात खळबळ
Sanjay raut Maharashtra unsafe
Sanjay Raut: “मोदी जेव्हा येतात, तेव्हा महाराष्ट्र असुरक्षित”, संजय राऊत यांची टीका
stepfather rape daughter
मुंबई: अडीच वर्षांच्या मुलीवर बलात्कार करून हत्या, मानखुर्दमधील धक्कादायक घटना
Attempted murder of laborer due to argument over drinking
दारू पिताना झालेल्या वादातून मजुराचा खुनाचा प्रयत्न, भिडे पूल परिसरातील घटना
construction worker dies after gets trapped in jcb machine
जेसीबी यंत्राखाली सापडून बांधकाम मजुराचा मृत्यू

हेही वाचा >> Groom Dies in Custody : लग्नाच्याच दिवशी चोरीच्या आरोपाखाली नवरदेवाला अटक; तुरुंगात जाताच मृत्यू; कपडे काढून महिलांचंचं आंदोलन!

आईने अंगावर पेट्रोल ओतून घेतलं तर मुलाने लायटरने पेटवले

व्हिडिओमध्ये दिसत आहे की एक पोलीस अधिकारी महिलेकडे धावत आला आणि ती स्वत: ला पेटविण्याचा प्रयत्न करत असताना तिचा हात धरला आणि तिचा मुलगा त्याच्या मोबाईल फोनवर संपूर्ण घटना रेकॉर्ड करत आहे. पोलिस अधिकाऱ्याने आईला स्वतःला पेटवून घेण्यापासून रोखल्याचे तरुणाने पाहिल्यावर त्याने लायटरच्या सहाय्याने आईला पेटवून दिले.

आई जिवंत जळत असताना पोरगा रेकॉर्ड करत बसला

त्याची आई जिवंत जळत असताना तरुणाने रेकॉर्डिंग केले आणि आग विझवण्याचा प्रयत्नही केला नाही. घटनास्थळी उपस्थित असलेल्या पोलिस कर्मचाऱ्यांनी जीव धोक्यात घालून वेळीच आग आटोक्यात आणून महिलेला वाचवले. आग विझवणाऱ्या पोलिस अधिकाऱ्याच्या हातालाही जखमा झाल्याचं वृत्त आहे.

तरुणाला अटक

पोलिसांनी सांगितले की, महिला ४० टक्के भाजली असून तिला रुग्णालयात दाखल करण्यात आले असून, तिच्यावर उपचार सुरू आहेत. पोलिसांनी असेही सांगितले की, प्राथमिक तपासात मुलानेच आईला पेटवून दिल्याचे स्पष्ट झाले आहे. पोलिसांनी याप्रकरणी गुन्हा दाखल करून चौकशी सुरू केली आहे. आईला पेटवून दिल्याप्रकरणी तरुणाला अटक करण्यात आल्याची माहिती आहे.