‘स्पाडेक्स’ मोहिमेत दोन्ही उपग्रह तीन मीटर अंतरावर

‘इस्रो’ने ‘एक्स’वर केलेल्या टिप्पणीत म्हटले आहे, की दोन्ही उपग्रह १५ अंतरावर आणि नंतर ३ मीटर अंतरावर आणण्याचा प्रयत्न यशस्वी झाला आहे. अवकाशयान पुन्हा सुरक्षित अंतरावर नेण्यात आले आहे.

हेही वाचा >>> ‘महाकुंभ’ आज पासून ; पौष पौर्णिमेनिमित्त पहिले शाही स्नान; ४५ दिवस प्रयागराजमध्ये भक्तांचा महासागर

या डेटाचे पूर्ण विश्लेषण केल्यानंतरच डॉकिंग प्रक्रियेला सुरुवात केली जाईल.

अवकाशात डॉकिंग प्रयोग करण्यास दोनदा उशीर झाला आहे. सुरुवातीला हा प्रयोग ७ जानेवारी रोजी आणि नंतर ९ जानेवारी रोजी केला जाणार होता. ३० डिसेंबर २०२४ रोजी ‘इस्रो’ने डॉकिंग प्रयोगाची घोषणा केली.

‘पीएसएलव्ही-सी ६०’ मोहिमेमध्ये प्रत्येकी २२० किलो वजनाचे दोन स्पाडेक्स उपग्रह (एसडीएक्स ०१ आणि एसडीएक्स ०२) वर्तुळाकार कक्षेत सोडण्यात आले आहेत. या मोहिमेत संशोधन आणि विकासासाठी आणखी २४ ‘पे-लोड’ आहेत. स्पाडेक्स मोहीम यशस्वी झाली, तर भारत असा प्रयोग करणारा जगातील चौथा देश ठरणार आहे. ही मोहीम यशस्वी झाली, तर पुढील अनेक मोहिमांसाठी त्याचा फायदा होणार आहे.