special forces operation one terrorist killed in jammu जम्मूत एक दहशतवादी ठार, लष्कराच्या ताफ्यावर गोळीबार; सुरक्षा दलाचे जोरदार प्रत्युत्तर

जम्मू येथे विशेष कमांडोंच्या दहशतवादविरोधी मोहिमेत सोमवारी एका दहशतवाद्याचा खात्मा करण्यात आला.

जम्मूत एक दहशतवादी ठार, लष्कराच्या ताफ्यावर गोळीबार; सुरक्षा दलाचे जोरदार प्रत्युत्तर (Express Photo)

पीटीआय, जम्मू
जम्मू येथे विशेष कमांडोंच्या दहशतवादविरोधी मोहिमेत सोमवारी एका दहशतवाद्याचा खात्मा करण्यात आला. दहशतवाद्यांनी सोमवारी सकाळी लष्कराच्या ताफ्यावर अखनूर विभागात गोळीबार केला. सुदैवाने, यात कुठलीही जीवितहानी झाली नाही. तीन दहशतवादी भारतात घुसल्याचा संशय असून, विशेष कमांडोंची दहशतवाद्यांविरोधात मोहीम रात्री उशिरापर्यंत सुरू होती.

लष्कराच्या जम्मू येथील ‘व्हाइट नाइट कोअर’ने एका दहशतवाद्याला मारल्याची माहिती दिली. या दहशतवाद्याकडून शस्त्रे जप्त करण्यात आली आहेत. लष्कराच्या ताफ्यावर सोमवारी सकाळी साडेसहाच्या सुमारास दहशतवाद्यांनी गोळीबार केला. यात सर्वाधिक गोळ्या लष्कराच्या रुग्णवाहिकेला लागल्या. लष्कराकडून जोरदार प्रत्युत्तर दिले जाण्याच्या शक्यतेवरून दहशतवादी जवळच्या जंगलात पळून गेले. दहशतवादी कुठे लपले आहेत, हे नंतर शोधण्यात आले.

नक्की वाचा

Kerala Fire: धक्कादायक! रचून ठेवलेल्या फटाक्यांना आग लागून १५० जण जखमी, ८ जणांची प्रकृती गंभीर

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Jammu Kashmir Encounter: दहशतवाद्यांशी लढताना भारतीय लष्कराचा ‘फँटम’ श्वान शहीद; लष्काराकडून हळहळ व्यक्त

Israeli troops 100 hamas militant arrested

इस्रायलकडून हमासच्या १०० दहशतवाद्यांना अटक

‘सी-२९५’ प्रकल्प नव्या भारताचे प्रतिबिंब! मोदी, सांचेझ यांच्या हस्ते ‘टाटाएअरबस’च्या कारखान्याचे उद्घाटन

Bullet Train Bridge Collapse in Anand Gujarat

Bullet Train Bridge Collapse : बुलेट ट्रेन प्रकल्पाचा पूल कोसळला, तीन मजूर ठार; ढिगाऱ्याखाली अनेकजण अडकले, बचावकार्य जारी

ट्रम्प यांच्या रॅलीतून वांशिक टिप्पणी, हॅरिस समर्थकांकडून निषेध; अध्यक्षपद निवडणूक अखेरच्या टप्प्यात

Woman Killed Husband : आठ कोटींच्या मालमत्तेसाठी पत्नीने केली पतीची हत्या, मृतदेह जाळण्यासाठी ८४० किमीचा प्रवास आणि…

हेही वाचा : ‘सी-२९५’ प्रकल्प नव्या भारताचे प्रतिबिंब! मोदी, सांचेझ यांच्या हस्ते ‘टाटाएअरबस’च्या कारखान्याचे उद्घाटन

लष्कराचे विशेष कमांडो आणि राष्ट्रीय सुरक्षा दलाच्या (एनएसजी) कमांडोंनी दहशतवादविरोधी कारवाई केली. दुपारी पावणेतीनपर्यंत गोळीबार आणि स्फोटांचा मोठा आवाज येत होता. हेलिकॉप्टरही टेहळणीसाठी वापरण्यात आले.

हेही वाचा : जनगणना पुढील वर्षी; पुढील लोकसभा निवडणूक मतदारसंघ पुनर्रचनेनंतर घेण्याचा विचार

घेराबंदी, शोधमोहीम

सोमवारी सकाळी आसन सुंदरबनी क्षेत्राजवळ दहशतवाद्यांनी लष्कराच्या ताफ्यावर गोळीबार केला. या भागात एपीसी ‘सारथ’ म्हणून ओळखली जाणारी ‘बीएमपी-२’ लढाऊ वाहने तैनात केली आहेत. सुरक्षा दलांनी या परिसरात घेराबंदी आणि दहशतवाद्यांची शोध मोहीम चालवली आहे. परिसराची नाकेबंदी करण्यात आली असून, जम्मू-काश्मीर पोलीस आणि सुरक्षा दलांनी संयुक्त शोध मोहीम सुरू आहे, असे जम्मू-काश्मीर पोलिसांनी सांगितले. तर लष्कराच्या जवानांनी वेगाने प्रत्युत्तर दिल्याने हल्ल्याचा प्रयत्न असफल झाल्याचे ‘व्हाईट नाइट कोअर’तर्फे सांगण्यात आले.

Web Title: Special forces operation one terrorist killed in jammu css