श्रीलंकेत भारतीय रुपया चालणार; मिळाला आंतरराष्ट्रीय चलनाचा दर्जा

श्रीलंका आणि भारत या दोन देशांमध्ये आता रुपयांमध्ये देवाण-घेवाण होईल.

भारतीय चलन (प्रातिनिधिक फोटो)

श्रीलंकेने भारतीय रुपयाला आंतरराष्ट्रीय चलनाचा दर्जा दिला आहे. श्रीलंकेने त्यांच्या प्रणालीमध्ये भारतीय चलनाला नियुक्त चलन (विशेष परकीय चलन) म्हणून स्थान दिलं आहे, याबाबतची माहिती भारताच्या परराष्ट्र व्यवहार मंत्रालयाचे प्रवक्ते अरिंदम बाग्ची यांनी गुरुवारी (२० जुलै) दिली. यामुळे आंतरराष्ट्रीय स्तरावर रुपयाचं वजन वाढणार आहे. बाग्ची म्हणाले, आपल्या चलनात व्यापार आणि व्यवहार करण्यासाठी श्रीलंकेने त्यांच्या प्रणालीमध्ये भारतीय रुपयाचा नियुक्त परकीय चलन म्हणून समावेश केला आहे. बाग्ची यांनी दिल्लीत प्रसारमाध्यमांशी बोलताना याबाबतची माहिती दिली.

श्रीलंका सरकारने भारतीय रुपयाला नियुक्त परकीय चलनाचा दर्जा दिल्यामुळे दोन देशांमधील व्यापार रुपयांमध्ये होऊ शकणार आहे. यासह श्रीलंकेत फिरायला जाणारे भारतीय पर्यटकही भारतीय रुपयांमध्ये व्यवहार करू शकतील.

आणखी वाचा

Rupee lowers as foreign investment returns to capital markets

रुपयाचा सार्वकालिक नीचांक; एक डॉलर आता ८४.११ रुपयांना

Madhurima Raje : सतेज पाटील ज्यांच्यामुळे ढसाढसा रडले…

Bangladesh Power Supply Alert : अदानी पॉवरचा बांगलादेशला वीज खंडित करण्याचा इशारा; मोहम्मद युनूस सरकार थकीत वीज बिल भरणार?

UPI Transactions: यूपीआय व्यवहारांचा नवीन विक्रम; ऑक्टोबरमध्ये २३.५ लाख कोटी मूल्याचे १६.५८ अब्ज व्यवहार

Vidhan Sabha Election 2019 Navneet Rana,

अमरावती जिल्‍ह्यात सूडाच्या राजकारणाचा दुसरा अंक!

Gold Price Today Gold In Mumbai Check Latest Gold And Silver Prices On 1 November 2024 mumbai pune nagpur gold price silver price on 1 November 2024 google trends

Gold Price: लक्ष्मीपूजनाच्या दिवशी सोन्याचे भाव कमी झाले का? गुगलवरही ट्रेंड होणारा सोन्याचा आजचा भाव पाहा

Fuel Price In Maharashtra: नोव्हेंबर महिन्याच्या पहिल्या दिवशी महागाईचा फटका; जाणून घ्या किती रुपयांनी वाढला तुमच्या शहरांतील इंधनाचा दर

आयात शुल्क वाढीमुळे प्रचार साहित्य दरांत २५ टक्के वाढ

अरिंदम बाग्ची म्हणाले की, भारतीय चलनाचा वापर भारताच्या खासगी क्षेत्रावर अवलंबून असेल, तसेच व्यापार क्षेत्रातील लोकांवर अवलंबून असेल. उभय देशांमधील आर्थिक संबंध अधिक दृढ करण्याचा आपला प्रयत्न आहे. २१ जुलै रोजी होणाऱ्या भेटीत (आज श्रीलंकेचे अध्यक्ष आणि भारताचे पंतप्रधान नरेंद्र मोदी यांची दिल्लीत भेट होणार आहे.) याबद्दलची चर्चा होईल. त्यामुळे आत्ताच त्यावर अधिक बोलणं ही घाई ठरेल.

श्रीलंकेचे अध्यक्ष रानिल विक्रमसिंघे काल (२० जुलै) संध्याकाळी दोन दिवसीय भारत दौऱ्यावर आले आहेत. विक्रमसिंघे भारतीय भूमीवर उतरण्याच्या काही तास आधी बाग्ची यांनी उभय देशांमधील चलनाच्या देवाण-घेवाणीची माहिती दिली. विक्रमसिंघे यांना पंतप्रधान नरेंद्र मोदी यांनी भारत दौऱ्यावर आमंत्रित केलं आहे. मोठ्या आर्थिक संकटातून बाहेर पडण्याचा प्रयत्न करत असलेल्या श्रीलंकेच्या अध्यक्षांचा हा पहिलाच भारत दौरा आहे.

हे ही वाचा >> एसीसी, अंबुजा सिमेंटचे विलीनीकरण नाही, मुख्य कार्यकारी अधिकारी अजय कपूर यांचे स्पष्टीकरण

गोटाबाया राजपक्षे यांनी श्रीलंकेतून पलायन केल्यानंतर विक्रमसिंघे यांनी जुलै २०२२ मध्ये श्रीलंकेचं अध्यक्षपद स्वीकारलं. त्यानंतर विक्रमसिंघे यांचा हा पहिलाच भारत दौऱा आहे. या दौऱ्यात विक्रमसिंघे भारताच्या राष्ट्रपती द्रौपदी मुर्मू यांना भेटतील. त्यानंतर ते पंतप्रधान नरेंद्र मोदी यांना भेटतील, अशी माहिती परराष्ट्र मंत्रालयाने जाहीर केली आहे.

First published on: 21-07-2023 at 09:42 IST

Web Title: Sri lanka notifies indian rupee as designated foreign currency indian tourists can use inr for transactions asc