महाराजा रणजित सिंग यांच्या पुतळ्याची पाकिस्तानात मोडतोड

नऊ फूट उंचीचा हा पुतळा ब्राँझचा असून त्याचे अनावरण लाहोर किल्ल्याजवळ जूनमध्ये महाराजा रणजित सिंह यांच्या १८० व्या पुण्यतिथीला करण्यात आले होते. महाराजा रणजित सिंह यांचा १८३९ मध्ये मृत्यू झाला होता. पुतळ्याची मोडतोड केल्याप्रकरणी पोलिसांनी दोन जणांना अटक केली आहे.

भारताने जम्मू-काश्मीरला विशेष दर्जा देणारा अनुच्छेद ३७० रद्द केल्याच्या रागातून ही मोडतोड करण्यात आली. अटक करण्यात आलेले तेहरिक लाबाइक पाकिस्तान या मौलाना खादीम रिझवी याच्या संघटनेचे आहेत. लाहोर प्राधिकरणाने या घटनेबाबत खेद व्यक्त केला असून ईदनंतर पुतळ्याची दुरूस्ती करणार असल्याचे म्हटले आहे.